កម្មវិធី Bentley’s AECOsim building designer CONNECT Edition បង្ហាញពីការប្រកួតប្រជែងសមត្ថភាពនៃ BIM សម្រាប់គម្រោងធំៗ

• Proeksa Meas
• 2 ខែ​វិច្ឆិកា 2017
• ព័ត៌មានសំណង់
• 155 មើល

ខែកញ្ញា ឆ្នាំ ២០១៧៖ ក្រុមហ៊ុន Bentley Systems Incorporated ដែលជាក្រុមហ៊ុនឈានមុខគេជាសកលក្នុងការផ្តល់ជូននូវដំណោះស្រាយ Software យ៉ាងទូលំទូលាយសម្រាប់ការអភិវឌ្ឍហេដ្ឋារចនាសម្ព័ន្ធ បានប្រកាសពីវត្តមានរបស់ AECOsim CONNECT Edition ដែលជាកម្មវិធី Building Information Modeling (BIM) របស់ Bentley ត្រូវបានរចនាឡើងសម្រាប់គម្រោងសាងសង់ដែលមានទំហំធំ និង/ឬមានវិស្វកម្មប្រកបដោយភាពស្មុគស្មាញ និងដែលត្រូវបានចង្អុលបង្ហាញលក្ខណៈតាមរយៈបញ្ហាប្រឈមនៃការរួមបញ្ចូលគ្នារវាងសំណង់បញ្ឈរ និងហេដ្ឋារចនាសម្ព័ន្ធផ្ដេក (ដូចជាផ្លូវថ្នល់ ផ្លូវដែក ឧបករណ៍ប្រើប្រាស់ ជាដើម) ។

នៅលើគម្រោងបែបនេះ ក្រុមហ៊ុនរចនានិងផ្តល់គម្រោងជាទូទៅមានទំនួលខុសត្រូវយ៉ាងទូលំទូលាយសម្រាប់គោលការណ៍ប្រគល់គម្រោងចម្រុះ ក្រុមហ៊ុនម៉ៅការបន្ត និងក្រុមហ៊ុនដែលបណ្តាក់ទុនរួមគ្នា។

អ្នកប្រើប្រាស់ AECOsim Building Designer V8i បានបង្ហាញពីភាពល្អប្រសើររបស់វានៅក្នុងគម្រោងជាច្រើនប្រភេទ។ ក្នុងចំណោមបេក្ខភាពពានរង្វាន់ Be Inspired Awards 2017 របស់ Bentley គម្រោងចំនួន ៦៣គម្រោង បានផ្តល់ការជឿជាក់លើ AECOsim រួមទាំងគម្រោងចំនួន ១៥ក្នុងចំណោម ៥១គម្រោងដែលចូលរួមប្រកួតចុងក្រោយ ដែលក្នុងនោះមានគម្រោងជាច្រើនដូចជា ស្ពាន អាកាសយានដ្ឋាន កន្លែងកីឡាអូឡាំពិក ការជីករ៉ែ ការផលិត​ ឆ្នេរសមុទ្រ ទីក្រុង​ ការផលិតថាមពល ការបញ្ជូននិងចែកចាយថាមពល កន្លែងប្រព្រឹត្តិកម្មទឹក និងទឹក

AECOsim Building Designer CONNECT Edition ថ្មីនេះចែករំលែកនូវបរិស្ថានគំរូយ៉ាងទូលំទូលាយជាមួយនិងកម្មវិធី CONNECT Edition ទាំងអស់របស់ Bentley ។ បើគ្មានបរិស្ថានគំរូយ៉ាងទូលំទូលាយទេ វិស្វករ និងស្ថាបត្យករត្រូវជួបការលំបាកជាមួយនិងការផ្លាស់ប្តូរទិន្នន័យដ៏ស្មុគ្រស្មាញ ដែលបណ្តាលឱ្យមានការបាត់បង់ព័ត៌មាន និងការបកប្រែទិន្នន័យច្រំដែល ឬកែប្រែនូវកម្មវិធី BIM ហួសពីការប្រើប្រាស់របស់វា ដើម្បីបង្កើតគំរូធរណីមាត្រដែលខ្វះខាតក្នុងការយល់ដឹងរបស់ BIM។

AECOsim Building Designer CONNECT Edition រួមបញ្ចូលនូវការងាររបស់ស្ថាបត្យករវិស្វកររចនាសម្ព័ន្ធ និងវិស្វករ MEP ទៅក្នុងកម្មវិធីតែមួយ ហើយឥឡូវនេះពង្រីកវិសាលភាពរបស់វាដោយប្រើអានុភាពបរិស្ថានគំរូយ៉ាងទូលំទូលាយរបស់ CONNECT Edition។ កម្មវិធីថ្មីនេះផ្តល់ជូននូវការដំណើរការខាងក្នុងដោយរលូន និងបកប្រែដោយសេរី ជាមួយនិង full multi-discipline portfolio of design របស់ Bentley និងកម្មវិធីគំរូវិភាគ និងសាងសង់។

លោក Santanu Das អនុប្រធានជាន់ខ្ពស់ផ្នែកគំរូរចនារបស់ក្រុមហ៊ុន Bentley Systems បានមានប្រសាសន៍ថា “នេះគឺជាពេលវេលាដ៏រំភើបសម្រាប់ Bentley ព្រោះយើងបានផ្តល់ជូននូវកម្មវិធី CONNECT Edition របស់យើង។ AECOsim Building Designer CONNECT Edition អាចឲ្យអ្នកប្រើប្រាស់របស់យើងបង្កើនផលិតភាពរបស់ពួកគេ និងសហការគ្នាលើចំណេះដឹងជាច្រើនតាមរយៈការចែករំលែកព័ត៌មាន និងទិន្នន័យក្នុងលំហូរការងារដ៏រលូនតាមរយៈបរិស្ថានគំរូយ៉ាងទូលំទូលាយ។ ”

សម្រាប់ព័ត៌មានបន្ថែមអំពី AECOsim Building Designer CONNECT Edition  សូមចូលទៅកាន់គេហទំព័រ www.bentley.com/aecosimbuildingdesigner ។

អំពី CONNECT Edition

កម្មវិធី CONNECT Edition នៃកម្មវិធី Software វិស្វកម្មហេដ្ឋារចនាសម្ព័ន្ធរបស់ Bentley ត្រូវបានបង្កើតឡើងលើបរិស្ថានគំរូយ៉ាងទូលំទូលាយ ដើម្បីគាំទ្រដល់ការប្រគល់គម្រោងហេដ្ឋារចនាសម្ព័ន្ធ និងធ្វើឲ្យប្រសើរឡើងនូវការអនុវត្តគម្រោងនិងទ្រព្យសម្បត្តិពីការរចនា តាមរយៈការសាងសង់ និងការប្រតិបត្តិការ។

កម្មវិធី CONNECT Edition មាន CONNECT​services ដែលអាចឲ្យក្រុមការងារគម្រោងធ្វើឲ្យប្រសើរឡើងនូវកិច្ចសហការ ធានាបាននូវភាពស្ទាត់ជំនាញនៃកម្មវិធី Software របស់ Bentley និងផ្តល់លទ្ធភាពឲ្យបុគ្គលអាចចល័តក្នុងការធ្វើការងារ ដោយអាចធ្វើការងារពីទីតាំងណាក៏បាន។

ការប្រើប្រាស់នូវដែនសមត្ថភាព និងថាមពលកុំព្យូទ័ររបស់ Microsoft Azure ព្រមទាំងការផ្តល់នូវបរិស្ថាន Hybrid ដែលរួមបញ្ចូលទាំង Servers នៅនឹងកន្លែង កម្មវិធី Desktop កម្មវិធី Bentley និង CONNECT Edition ផ្តល់ជូននូវកម្រិតនៃការផ្លាស់ប្តូរព័ត៌មានដែលមិនធ្លាប់មានពីមុនមកសម្រាប់ការជំរុញហេដ្ឋារចនាសម្ព័ន្ធ។

អំពី Bentley System

Bentley Systems ជាក្រុមហ៊ុនឈានមុខគេលើពិភពលោកក្នុងការផ្តល់ជូនវិស្វករ ស្ថាបត្យករ អ្នកជំនាញផ្នែកភូមិសាស្រ្ត និងលំហ អ្នកសាងសង់ និងអ្នកផ្តល់សេវាកម្ម ជាមួយនិងដំណោះស្រាយ software យ៉ាងទូលំទូលាយសម្រាប់ការអភិវឌ្ឍការរចនា ការសាងសង់ និងការប្រតិបត្តិការនៃហេដ្ឋារចនាសម្ព័ន្ធ។ ក្រុមហ៊ុននេះត្រូវបានបង្កើតឡើងនៅឆ្នាំ ១៩៨៤ មានសហសេវិកជាង ៣,០០០នាក់ក្នុងបណ្តាប្រទេសជាង ៥០ និងមានប្រាក់ចំណូលប្រចាំឆ្នាំជាង ៦០០លានដុល្លារ ហើយចាប់តាំងពីឆ្នាំ ២០១១ បានវិនិយោគជាង ១ ប៊ីលានដុល្លារក្នុងការស្រាវជ្រាវ ការអភិវឌ្ឍ និងការទិញ។

http://players.brightcove.net/5209582030001/SkqSbCcQW_default/index.html?videoId=5593344619001

http://players.brightcove.net/5209582030001/SkqSbCcQW_default/index.html?videoId=5372620987001