ការជួលអគារខុនដូរសម្រាប់រស់នៅក្នុងប្រទេសមីយ៉ាន់ម៉ាធ្លាក់ចុះ

• Proeksa Meas
• 13 ខែ​វិច្ឆិកា 2017
• ព័ត៌មានសំណង់
• 218 មើល

ការជួលខុនដូឲ្យអ្នកជួលជនបរទេសបានធ្លាក់ចុះនៅឆមាសទីមួយនៃឆ្នាំ២០១៧ ដោយសារតែ ទីផ្សារឡើងជន់ជោគ ហើយអ្នកជួលច្រើនឡើងស្វែងរកការជួលផ្ទះដាច់តែឯងវិញ។

យោងតាមរបាយការណ៍មួយនៅក្នុង Myanmar Times បានឲ្យដឹងថា ប្រតិបត្តិការជួលខុនដូបានធ្លាក់ចុះ ១០ភាគរយនៅឆ្នាំ ២០១៧។

តម្រូវការជួលពីជនបរទេស និងគ្រួសារកំពុងផ្លាស់ប្តូរទៅរកការជួលផ្ទះដាច់តែឯងវិញ ដែលអាចជួលបានក្នុងតម្លៃរវាង ៣.០០០ដុល្លារ និង៤.០០០ដុល្លារក្នុងមួយខែ ហើយការផ្គត់ផ្គង់នៅក្នុងវិស័យនេះកំពុងតែកើនឡើងជាពិសេសនៅទីក្រុង Yangon។ ជនបរទេសកាន់កាប់ ៨០ភាគរយ នៃខុនដូសម្រាប់ជួលនិងផ្ទះដាច់តែឯងនៅក្នុងប្រទេសនេះ។

លោក Htoo Myat Naing ភ្នាក់ងារអចលនទ្រព្យនៃ Estate Myanmar បានប្រាប់ the Times ថា “ការធ្លាក់ចុះ [ការជួល] ឆ្នាំនេះកើតឡើងជាលើកដំបូង។ ខ្ញុំមិនដឹងមុនថាវានឹងធ្លាក់ថយក្រោយបែបនេះទេ”។