ការដួលរលំអគារនៅចិនបានសម្លាប់មនុស្ស ៧នាក់

• Proeksa Meas
• 29 ខែ​ឧសភា 2017
• ព័ត៌មានសំណង់
• 202 មើល

ការដួលរលំព្រមៗគ្នានៃអគារលំនៅដ្ឋានចំនួន ៤ នៅភាគខាងកើតប្រទេសចិន បានសម្លាប់មនុស្សយ៉ាងតិច ៧នាក់ នៅខែកុម្ភៈនេះ។

តាមរយៈភ្នាក់ងារព័ត៌មាន Xinhua បានឲ្យដឹងថា អគារ ៥ជាន់ បានដួលរលំទាំងព្រឹកព្រលឹម កាលពីថ្ងៃទី ០២ កុម្ភៈ នៅភូមិ Dahui, Baizhangjitownshi, Wenzhou ដែលជាទីក្រុង ឧស្សាហកម្មមួយក្នុងខេត្ត Zhejiang នៃប្រទេសចិនភាគខាងកើត។ ការដួលរលំនេះបានសម្លាប់មនុស្ស ៧នាក់ និងបានបាត់មនុស្សចំនួន ៩នាក់ទៀតនៅក្រោមអគារនោះ។

ការស៊ើបអង្កេតអំពីមូលហេតុនៃការដួលរលំកំពុងតែត្រូវបានស្រាវជ្រាវនៅឡើយ។

បញ្ហាសុវត្ថិភាពជុំវិញសំណង់អគារ គឺជាការព្រួយបារម្ភយ៉ាងធ្ងន់ធ្ងរនៅប្រទេសចិន ដែលនគរូបនីយកម្មបានវិវត្តយ៉ាងលឿននៅក្នុងទសវត្សចុងក្រោយនេះ។ គ្រោះមហន្តរាយថ្មីនេះ បានកើតឡើងបន្ទាប់ពីការដួលរលំលំនៅដ្ឋាននៅតំបន់ដូចគ្នានេះដែរ កាលពីខែតុលា ឆ្នាំ២០១៦ ដែលបានសម្លាប់មនុស្ស ២២នាក់៕