ការបង្ហាញពីភាពពិតជាក់ស្តែងដើម្បីផ្តល់ការបណ្តុះបណ្តាលអំពីសុវត្ថិភាពនៅការដ្ឋាន

• Proeksa Meas
• 10 ខែ​កក្កដា 2016
• ព័ត៌មានសំណង់
• 161 មើល

ក្រុមហ៊ុនសំណង់ក្នុងតំបន់អាស៊ីកំពុងប្រើវេទិការបង្ហាញពីភាពពិតជាក់ស្តែង ដើម្បីបណ្តុះបណ្តាល កម្មករក្នុងការកសាងសុវត្ថិភាពនៅកន្លែងសាងសង់ និងកាត់បន្ថយគ្រោះថ្នាក់។

“ស្ថានភាពម៉ាស៊ីន” ដែលបានរចនាឡើងដោយ UNSW នៅក្នុងប្រទេសអូស្ត្រាលី អនុញ្ញាតឲ្យកម្មករសំណង់រកឃើញនូវស្ថានភាពដែលគំរាមកំហែងដល់ជីវិតនៅក្នុងដំណាក់កាលនៃការសាងសង់នៅលើការដ្ឋានសាងសង់ និងហានិភ័យ ដូចជា ការពាក់ព័ន្ធនឹងកម្ពស់ និងការឆក់ខ្សែភ្លើង។ តាមរយៈការជួបប្រទះគ្រោះថ្នាក់ជាក់ស្តែងនៅក្នុងបរិស្ថានដែលមានផ្តោតការយកចិត្តទុកដាក់យ៉ាងខ្ពស់ ក្រុមហ៊ុនអាចផ្តល់នូវបទពិសោធន៍មេរៀនមួយ ដែលការហ្វឹកហាត់តាមលំនាំចាស់មិនអាចផ្តល់ឲ្យបាន។

បន្ទាប់ពីសាកល្បងអស់រយៈពេលប្រាំមួយខែ ក្រុមហ៊ុនសំណង់ Gammon មានមូលដ្ឋាននៅទីក្រុងហុងកុងបានមើលឃើញថា “វាកាត់បន្ថយរយៈពេលបណ្តុះបណ្តាល” ខណៈពេលដែលក្រុមហ៊ុនបង្កើតថាមពលនាំមុខគេរបស់ប្រទេសចិន China Light and Power កំពុងធ្វើការពិនិត្យឡើងវិញនូវប្រព័ន្ធបណ្តុះបណ្តាលផងដែរ។