ការហូរចូលអ្នកសាងសង់ជនជាតិចិនជាច្រើននៅហ្វីលីពីន

• Proeksa Meas
• 2 ខែ​វិច្ឆិកា 2017
• ព័ត៌មានសំណង់
• 179 មើល

កម្មវិធីសាងសង់ហេដ្ឋារចនាសម្ព័ន្ធដ៏ធំរបស់ហ្វីលីពីនបានទាក់ទាញចំណាប់អារម្មណ៍យ៉ាងច្រើនពីអ្នកសាងសង់ចិន ដែលរដ្ឋាភិបាលបានស្នើសុំជំនួយពីប្រទេសចិនដើម្បីពិនិត្យមើលក្រុមហ៊ុនដែលដាក់ពាក្យស្នើសុំគម្រោងទាំងនោះ។

 

ការរួមបញ្ចូលគ្នារវាងកម្មវិធី “Build, Build, Build” របស់ប្រធានាធិបតីហ្វីលីពីន Duterte ដែលមានតម្លៃ ១៨០ប៊ីលានដុល្លារ និងគំនិតផ្តួចផ្តើមខ្សែក្រវ៉ាត់មួយ-ផ្លូវមួយរបស់ចិន បានបង្កើតនូវការរីកចម្រើនខាងការសាងសង់ហេដ្ឋារចនាសម្ព័ន្ធដ៏ធំមួយនៅអាស៊ី។

 

ការពោរពេញដោយអ្នកសាងសង់ចិននេះបានកើតឡើងបន្ទាប់ពីលោក Duterte បានផ្លាស់ប្តូរភក្ដីភាពពីសហរដ្ឋអាមេរិកទៅកាន់ប្រទេសចិនកាលពីឆ្នាំមុន និងបានចុះហត្ថលេខាលើកិច្ចព្រមព្រៀងផ្តល់មូលនិធិសម្រាប់ហេដ្ឋារចនាសម្ព័ន្ធជាច្រើនពាន់លានដុល្លារជាមួយរដ្ឋាភិបាលចិន។

 

ក្រសួងពាណិជ្ជកម្មចិនបានសន្យាថានឹងធ្វើការត្រួតពិនិត្យអ្នកសាងសង់ចិន និងចាត់តាំងបេក្ខភាពត្រឹមចំនួន៣សម្រាប់គម្រោងនីមួយៗ ហើយរដ្ឋាភិបាលហ្វីលីពីនបានបញ្ជាក់ថា ខ្លួននឹងអនុញ្ញាតឲ្យអ្នកសាងសង់ទាំងនោះនាំយកមកជាមួយនូវកម្មកររបស់ខ្លួនដើម្បីជៀសវាងការខ្វះខាតកម្លាំងពលកម្ម និងការពន្យារពេលការងារ។