កិច្ចសន្យាសាងសង់អគារ Banda របស់ម៉ាឡេស៊ីត្រូវបានលុបចោល

• Proeksa Meas
• 27 ខែ​កក្កដា 2017
• ព័ត៌មានសំណង់
• 300 មើល

គម្រោងអភិវឌ្ឍអចលនទ្រព្យធំជាងគេបង្អស់របស់ប្រទេសម៉ាឡេស៊ី ប្រឈមនឹងការរុះរើ ក្រោយពីរដ្ឋាភិបាលម៉ាឡេស៊ីលុបចោលកិច្ចសន្យាជាមួយក្រុមហ៊ុនអភិវឌ្ឍន៍ចិន-ម៉ាឡេស៊ី កាលពីខែមិថុនា បន្ទាប់ពីក្រុមហ៊ុនមួយនេះបរាជ័យក្នុងការទូទាត់សាច់ប្រាក់លើគម្រោងអភិវឌ្ឍន៍របស់ខ្លួន។

Banda ជាគម្រោងអភិវឌ្ឍន៍ដ៏លេចធ្លោ ដែលបង្កើតនូវតំបន់ពាណិជ្ជកម្មថ្មីមួយ និងមជ្ឈមណ្ឌលដឹកជញ្ជូន ស្ថិតនៅក្នុងតំបន់ជាយក្រុងនៃទីក្រុងកូឡាឡាំពូ ដោយគ្រប់ដណ្តប់លើផ្ទៃដី ២០០ហិកតា។

មិនតែប៉ុណ្ណោះ គម្រោងអភិវឌ្ឍន៍ Banda ក៏នឹងក្លាយជាទីតាំងក្នុងការតភ្ជាប់ផ្លូវរថភ្លើងល្បឿនលឿនពីទីក្រុងកូឡាឡាំពូទៅកាន់ប្រទេសសិង្ហបុរីផងដែរ។

យ៉ាងណាមិញរដ្ឋាភិបាលម៉ាឡេស៊ីបានប្រគល់គម្រោងអភិវឌ្ឍដ៏ធំមួយនេះទៅឲ្យកំពូលមហាសេដ្ឋីអចលនទ្រព្យរបស់ចិនគឹលោក Wang Jianlin ដើម្បីបន្តអភិវឌ្ឍគម្រោង Banda នេះ។