កោះម៉ាក ដែលនៅជាប់ធ្នេរសមុទ្រកំពុងប្រកាសដាក់លក់

• Proeksa Meas
• 13 ខែ​វិច្ឆិកា 2017
• ព័ត៌មានសំណង់
• 225 មើល

ឆ្នេរសមុទ្រដែលមិនធ្លាប់ប៉ះពាល់ដោយមនុស្សនៃកោះ Mak នៅឈូងសមុទ្រថៃ ក្បែរព្រំដែនប្រទេសកម្ពុជាត្រូវបានដាក់នៅលើទីផ្សារក្នុងនាមជាផ្នែកមួយនៃផែនការដើម្បីទាក់ទាញការអភិវឌ្ឍឲ្យកាន់តែច្រើនឡើងដល់ដែនដីឋានសួគ៌នេះ។

កោះ Mak មានទំហំត្រឹមតែ ១៦គីឡូម៉ែត្រការ៉េ និងត្រូវបានហ៊ុមព័ទ្ធដោយកោះចំនួន ៥០ផ្សេងទៀតនៅក្នុងរង្វង់ ២០គីឡូម៉ែត្រ។

ក្រុមហ៊ុនអភិវឌ្ឍន៍វីឡា Siam Royal View Group (SRV) ដែលឈ្នះពានរង្វាន់ បានប្រកាសពីគម្រោងលក់ដីឆ្នេរទំហំ ៤៣០ពាន់ម៉ែត្រការ៉េ ជាមួយនិងឆ្នេរប្រវែងជាង១គីឡូម៉ែត្រ ក្នុងតម្លៃ ១៧លានដុល្លារអាមេរិក។

ទីតាំងគឺល្អសម្រាប់វិនិយោគិនមានប្រាក់ចំណូលខ្ពស់ សម្រាប់បង្កើតផ្ទះឯកជនលំដាប់ខ្ពស់ ឬសម្រាប់អ្នកអភិវឌ្ឍន៍ដើម្បីបង្កើតរមណីយដ្ឋានលំដាប់ថ្នាក់ពិភពលោក ព្រោះថាកោះនេះនៅខ្វះកន្លែងស្នាក់នៅប្រកបដោយគុណភាព។ ក្រៅពីទីតាំងស្ថិតនៅជិតអាកាសយានដ្ឋានកោះ Mak ទីតាំងនេះក៏ធំល្មមសម្រាប់ធ្វើជាវាលយន្តហោះប្រវែង ៧៥០ម៉ែត្រផងដែរ។