ក្នុងរយៈពេល៧ខែ ​​​​ទំហំពាណិជ្ជកម្មកម្ពុជាជាមួយអន្តរជាតិ កើនដល់ជាង $៣៦ពាន់លាន

• Sommana Yan
• 2 ខែ​កញ្ញា 2025
• ព័ត៌មានក្នុងស្រុក
• 97 មើល

ក្នុងរយៈពេល ៧ខែ ដើមឆ្នាំ២០២៥ ទំហំពាណិជ្ជកម្មរវាងកម្ពុជា និងបណ្តាប្រទេសសំខាន់ៗនៅលើពិភពលោក បានកើនដល់ប្រមាណជាង ៣៦ពាន់លានដុល្លារ ស្មើនឹង ១៦,៥% បើធៀបនឹងរយៈពេលដូចគ្នាក្នុងឆ្នាំ២០២៤។ នេះបើតាមរបាយការណ៍របស់អគ្គនាយកដ្ឋានគយ និងរដ្ឋាករ កាលពេលថ្មីៗនេះ។

ប្រភពដដែលនេះ បានឱ្យដឹងថា ទំពាណិជ្ជកម្មនាំចេញរបស់កម្ពុជាទៅកាន់ប្រទេសសំខាន់ៗ មានទំហំទឹកប្រាក់ប្រមា​ណជាង ១៧ពាន់លានដុល្លារ កើនឡើង ១៦,២% ខណៈការនាំចូលមានទំហំប្រមាណជាង ១៩ពាន់លានដុល្លារ​ កើនឡើង ១៦,៧% ធៀបនឹងរយៈពេលដូចគ្នាក្នុងឆ្នាំ២០២៤។

បន្ថែមពីនេះ ទំហំពាណិជ្ជកម្មកម្ពុជាជាមួយបណ្តាប្រទេសសំខាន់ៗរួមមានជាមួយចិន មានទំហំទឹកប្រាក់ប្រមាណជាង ១១ពាន់លានដុល្លារ កើនឡើងជាង ២៦% ខណៈជាមួយអាមេរិក មានទំហំទឹកប្រាក់ប្រមាណជាង ៧ពាន់លានដុល្លារ កើនឡើង ២៥,៨%។

ការកើនឡើងគួរឱ្យកត់សម្គាល់នៅក្នុងដំណើរការពាណិជ្ជកម្មជាអន្តរជាតិរបស់កម្ពុជាបានបង្ហាញនូវទស្សនវិស័យវិជ្ជមានសម្រាប់សេដ្ឋកិច្ចរបស់ប្រទេសនេះ ខណៈដែលប្រទេសនេះបន្តពង្រឹងទំនាក់ទំនងរបស់ខ្លួនជាមួយនឹងសេដ្ឋកិច្ចពិភពលោក។

• Economic and finance