ក្រុមហ៊ុន Bentley បើកឱ្យនិស្សិតប្រើកម្មវិធីវិស្វកម្មឌីជីថលដោយឥតគិតថ្លៃ

• webmaster@construction-property.com
• 28 ខែ​មករា 2026
• ព័ត៌មានសំណង់
• 1396 មើល

ក្រុមហ៊ុន Bentley Systems កំពុងផ្តល់ឱកាសដល់សិស្សានុសិស្សឱ្យចូលប្រើប្រាស់កម្មវិធីវិស្វកម្មឌីជីថលដែលបាន និងកំពុងប្រើក្នុងគម្រោងធំៗពិតៗជុំវិញពិភពលោក ដោយឥតគិតថ្លៃ។

គម្រោងលើកកម្ពស់ចំណេះដឹងនិស្សិតថ្មីនេះ ត្រូវបានបង្កើតឡើងដោយសារតែក្រុមហ៊ុនបានព្យាករថាវិស្វករជំនាន់ថ្មី ពិសេស Gen Z កំពុងក្លាយជាកម្លាំងចលករយ៉ាងរឹងមាំ និងសំខាន់បំផុត ក្នុងការផ្លាស់ប្តូរហេដ្ឋារចនាសម្ព័ន្ធជុំវិញពិភពឱ្យទៅជាហេដ្ឋារចនាសម្ព័ន្ធដែលឆ្លាតវៃ និងមានភាពធន់ជាងមុន។

វិស្វករជំនាន់ថ្មី ពិសេស Gen Z  គឺខុសពីជំនាន់មុនៗ ពួកគេធំធាត់មកជាមួយបច្ចេកវិទ្យាឌីជីថលស្រាប់ ដែលធ្វើឱ្យពួកងាយយល់ និងចេះប្រើកម្មវិធីវិស្វកម្មឌីជីថលបានដោយងាយ។

គម្រោងនេះនឹងផ្ដល់ឱកាសឱ្យអ្នកចូលរួមឱ្យបានប្រើបច្ចេកវិទ្យានានាពិសេស AI និង Digital Twin។ តាមរយៈការប្រើប្រាស់កម្មវិធីដូចជា MicroStation និង OpenRoads ដោយមានគម្រោងពិតៗជាក់ស្ដែងៗជាគំរូ និងករណី ពួកគេនឹងមានបទពិសោធដូចបានចូលធ្វើការងារពិតៗដូច្នោះដែរ ដែលជាឱកាសល្អនៅពេលដែលពួកគេចូលធ្វើការនៅពេលអនាគត។

លើសពីនេះ Bentley Systems ក៏កំពុងសហការជាមួយសាកលវិទ្យាល័យរដ្ឋ Louisiana (LSU) ក្នុងការដាក់ឱ្យដំណើរការនូវវិញ្ញាបនបត្ររចនា និងផលិតកម្ម Digital Twin ដំបូងគេបង្អស់នៅអាមេរិកផងដែរ។

កម្មវិធីសិក្សានេះត្រូវបានរចនាឡើងដើម្បីផ្សារភ្ជាប់គម្លាតរវាងទ្រឹស្តី និងការអនុវត្តជាក់ស្តែង។ វាបណ្តុះបណ្តាលសិស្ស និងអ្នកជំនាញលើការត្រួតពិនិត្យហេដ្ឋារចនាសម្ព័ន្ធ ការថែទាំបែបព្យាករណ៍ និងយុទ្ធសាស្ត្រពហុជំនាញ។

នៅពេលដែលអ្នកដឹកនាំវ័យក្មេងទាំងនេះឈានជើងចូលក្នុងកម្លាំងពលកម្ម ពួកគេមិនត្រឹមតែចូលរួមក្នុងអាជីពមួយប៉ុណ្ណោះទេ ប៉ុន្តែពួកគេកំពុងចូលរួមក្នុងចលនាមួយដើម្បីបង្កើតអនាគតដ៏ភ្លឺស្វាង និងមាននិរន្តរភាពសម្រាប់ជំនាន់ក្រោយៗទៀត។

Know a future infrastructure leader? Share Bentley’s free student software access to help them build job-ready skills today ❯

• AI
• Bentley's education
• Gen Z
• Digital Twin
• Bentley Systems