ក្រុមហ៊ុន Bentley Systems ទិញក្រុមហ៊ុន Synchro Software ដើម្បីពង្រីកលំហូរការងារឌីជីថលការបែងចែកព័ត៌មានគម្រោង

Proeksa Meas
5 ខែកក្កដា 2018
ព័ត៌មានសំណង់
140 មើល

ក្រុមហ៊ុន Bentley Systems ដែលជាក្រុមហ៊ុនឈានមុខគេក្នុងពិភពលោកក្នុងការផ្តល់នូវដំណោះស្រាយផ្នែកទន់ (Software) យ៉ាងទូលំទូលាយសម្រាប់ភាពជឿនលឿននៃហេដ្ឋារចនាសម្ព័ន្ធនោះ កាលពីថ្ងៃទី២០ ខែមិថុនា បានប្រកាសពីការទិញ ក្រុមហ៊ុន Synchro Software ដែលមានទីស្នាក់ការនៅទីក្រុងឡុងដ៍ និងជាអ្នកដឹកនាំ និងបង្កើតទីផ្សារក្នុងផ្នែកកម្មវិធីគំរូសំណង់ 4D សម្រាប់ការរៀបចំកាលវិភាគ និងការគ្រប់គ្រងគម្រោង។

Synchro ជាម៉ាស៊ីនកំណង់ពេលវេលាសាងសង់ “Construction’s time machine” ត្រូវបានគេប្រើប្រាស់ទូទាំងពិភពលោក ជាពិសេសសម្រាប់គម្រោងការសាងសង់ និងហេដ្ឋារចនាសម្ព័ន្ធស៊ីវិល។ ការទិញយកនេះបានពង្រីកវិសាលភាពនៃការផ្តល់ជូនទាក់ទងនឹងផ្នែកសំណង់ ProjectWise របស់ក្រុមហ៊ុន Bentley ដែលមានរួចហើយនូវ ConstructSim ដែលជាអ្នកនាំមុខគេក្នុងគំរូសំណង់ 4D សម្រាប់ការប្រគល់គម្រោងរោងចក្រឧស្សាហកម្ម។ ជាមួយនិងការគ្រប់គ្រងគម្រោងសាងសង់ជាលក្ខណៈ 4D អត្ថប្រយោជន៍របស់ BIM មានកាន់តែច្រើនឡើងនៅក្នុងការងារបែងចែកគម្រោងហេដ្ឋារចនាសម្ព័ន្ធ និងវឌ្ឍនជីវិតនៃទ្រព្យសម្បតិ្ត ព្រោះថាលំហូរការងារដែលជាទូទៅត្រូវបានកាត់ផ្តាច់ពីគ្នានោះ បានក្លាយជាលំហូរការងារឌីជីថល។

ការរីកចម្រើនដ៏រឹងមាំរបស់ Synchro ចាប់តាំងពីការដាក់បង្ហាញនូវ Synchro PRO នៅឆ្នាំ២០០៧ បានរួមគ្នាជាមួយនិងការប្រើប្រាស់ BIM សម្រាប់ការរចនាលំហូរការងារ ដែលចំណុចនេះបានជួយដល់ការគិតគូរអំពីផែនការ កាលវិភាគការងារ និងយុទ្ធសាស្រ្តគ្រប់គ្រងគម្រោង។ ចំពោះគម្រោងខ្សែផ្លូវដែក Crossrail នៅទីក្រុងឡុងដ៍ ក្រុមហ៊ុន Synchro បានដាក់បញ្ចូលនូវកញ្ចប់ការងារ iModel របស់ក្រុមហ៊ុន Bentley Systems ដើម្បីបញ្ចប់ការសម្រេចនូវផលប័ត្រនៃកម្មវិធី BIM និង CDE របស់ខ្លួន។ គម្រោង Crossrail ដែលជាគម្រោងសាងសង់ធំបំផុតនៅអ៊ឺរ៉ុបក្នុងកំឡុងពេលនេះ បានឈានដល់ការសាងសង់បញ្ចប់ទាន់ពេលវេលា និងតាមគ្រោងថវិកាកំណត់។

Synchro កំពុងតែក្លាយជាស្តង់ដារសម្រាប់ក្រុមហ៊ុនសាងសង់ធំៗដែលប្រើប្រាស់ BIM តាមរយៈការងារប្រគល់គម្រោង។

សន្និសីទសំណង់ឌីជីថល 4D ឆ្នាំ២០១៨ (2018 4D Digital Construction Conference) របស់ក្រុមហ៊ុន Synchro នៅទីក្រុង Amsterdam បានប្រមូលផ្តុំអ្នកដឹកនាំគំនិតសាងសង់ហេដ្ឋារចនាសម្ព័ន្ធពីប្រទេសចំនួន១៨ រួមទាំងការធ្វើបទបង្ហាញដោយក្រុមហ៊ុន Royal BAM Group ក្រុមហ៊ុន Mortenson Construction ក្រុមហ៊ុន Robins & Morton ក្រុមហ៊ុន Shanghai Construction No. 4 Group ក្រុមហ៊ុន Skanska UK និងក្រុមហ៊ុន Larsen & Toubro ដែលបានចែករំលែកនូវអត្ថប្រយោជន៍ដែលសម្រេចបានតាមរយៈកាប្រើប្រាស់គំរូសំណង់ 4D ជាមួយ Synchro ។

នាយកប្រតិបត្តិក្រុមហ៊ុន Bentley Systems លោក Greg Bentley បានមានប្រសាសន៍ថា «Synchro មានខ្សែកោងផលិតភាពសាងសង់កើនឡើង តាមរយៈការប្រើប្រាស់នូវគំរូសំណង់ 4D នៅក្នុងគម្រោងសំខាន់ៗនៅទូទាំងពិភពលោក។ ឱកាសក្នុងការពង្រីកលំហូរការងារឌីជីថលពី BIM ទៅកាន់គំរូសំណង់ 4D លើការងារបែងចែកព័ត៌មានគម្រោងហេដ្ឋារចនាសម្ព័ន្ធ ដែលជំនួសការធ្វើផែនការ និងការកំណត់កាលវិភាគដែលត្រូវបានកាត់ផ្តាច់ពីគ្នាផែនការនោះ គឺមានភាពធំធេង និងឆាប់រហ័ស។ ទំហំរបស់វាត្រូវបានបញ្ជាក់ដោយក្រុមហ៊ុនដែលទើបចាប់ផ្តើមអាជីវកម្មថ្មីៗ។ ការបង្ហាញពីភាពរីករាយ និងការគិតទុកអំពីអាជីវកម្មរបស់លោក Tom Dengenis ក្នុងការប្រមើលមើល និងជំរុញសក្តានុពលទីផ្សារដែលត្រូវបានឆ្លុះបញ្ចាំងតាមរយៈកំណើនយ៉ាងខ្លាំង និងប្រកបដោយនិរន្តរភាពរបស់ Synchro ពីស្ថានភាពលំបាកឈានទៅរកការរំដោះខ្លួនចេញយ៉ាងឆាប់រហ័សនោះ បានធ្វើឲ្យខ្ញុំប្រាកដថា ឥឡូវនេះយើងមានក្រុមការងារ និងបច្ចេកវិទ្យាដែលរួមបញ្ចូលគ្នាយ៉ាងល្អនិងត្រឹមត្រូវ។ រាល់ក្រុមហ៊ុនម៉ៅការសាងសង់ និងគម្រោងហេដ្ឋារចនាសម្ព័ន្ធអាចទទួលបានការធ្វើឲ្យមានលក្ខណៈឌីជីថលតាមរយៈគំរូសំណង់ 4Dរបស់យើង!»