ក្រុមហ៊ុន Hyundai ទទួលបានកិច្ចសន្យាសាងសង់ផ្សារទំនើបអ៊ីអនម៉លទីពីរ

• Proeksa Meas
• 22 ខែ​កក្កដា 2016
• ព័ត៌មានសំណង់
• 259 មើល

ក្រុមហ៊ុន Hyundai Engineering Co. របស់​កូរ៉េ​ខាងត្បូង ទទួលបាន​កិច្ចសន្យា​ក្នុង​ទំហំ​ទឹកប្រាក់ ១២០ លាន​ដុល្លារ​អាមេរិក ដើម្បី​សាងសង់​ផ្សារ​ទំនើប​អ៊ី​អន​ទី​ពីរ​នៅក្នុង​រាជធានី​ភ្នំពេញ​។​

កិច្ចព្រមព្រៀង​នេះ​នឹង​អនុញ្ញាត​ឲ្យ​ក្រុមហ៊ុន Hyundai សាងសង់​ផ្សារ​ទំនើប​អ៊ី​អន​ម៉លទី​ពីរ ដែល​ជា​ទីផ្សារ​លក់រាយ​របស់​ជប៉ុន​នៅ​តំបន់​ពោង​ពាយ ខាងក្រោយ​បុរី​ពិភពថ្មី ស្ថិត​ក្នុង​ខណ្ឌ​សែន​សុខ ភាគ​ពាយ័ព្យ​ក្រុងភ្នំពេញ។ ផ្សារ​ទំនើប​អ៊ី​អន​ម៉លទី​ពីរ​នេះ​នឹង​សាង​សង់​ឡើង​ចំនួន​បួន​ជា​ន់ មាន​ផ្ទៃក្រឡា ១៥១,០០០​ម៉ែត​ការ៉េ ដែល​ក្នុងនោះ​រួម​មាន​ហាង​លក់ទំនិញ​ធំៗ រោងភាពយន្ត កន្លែង​លេង​ប៊ូ​លីង ហាង​តូចៗ និង​សា​លលក់​អាហារ។​

​ការសាងសង់​នេះ​ត្រូវបាន​គេ​រំពឹងថា​នឹង​ត្រូវ​បញ្ចប់​នៅ​ខែ ឧសភា ឆ្នាំ ២០១៨ ។ ក្រុមហ៊ុន Hyundai បាន​បង្ហាញ​ពី​បំណង​ក្នុងការ​ការដេញថ្លៃ​គម្រោង​របស់​ផ្សារ​ទំនើប​អ៊ី​អន​ផ្សេងៗ​ទៀត ដែល​គ្រោង​ពង្រីក​ទីផ្សារ​របស់​ខ្លួន​នៅ​ប្រទេស​ចិន ឥណ្ឌូនេស៊ី និង​វៀតណាម​។​