គណៈប្រតិភូអូស្ត្រាលីជាច្រើននាក់បានមកស្វែងរកឱកាសវិនិយោគនៅកម្ពុជា

Sommana Yan
23 ខែមីនា 2023
ព័ត៌មានក្នុងស្រុក
245 មើល

គណៈប្រតិភូផ្នែកធុរកិច្ចអូស្ត្រាលីជាច្រើននាក់ បានមកសិក្សា និងស្វែងរកឱកាសវិនិយោគលើវិស័យសំខាន់ៗនៅកម្ពុជា នៅទីស្នាក់ការកណ្តាលរបស់ក្រុមហ៊ុន Prince Real Estate Group និងមានកិច្ចសហជាមួយក្រុមហ៊ុនផ្សេងៗទៀតរួមមាន AusCham Cambodia, DCG, និងក្រុមហ៊ុនពាក់ព័ន្ធជាច្រើនថែមទៀតផងដែរ។

ដោយឡែក គណៈប្រតិភូធុរកិច្ចអូស្ត្រាលីរួមមាន ស្ថាបនិក និងមន្ត្រីប្រតិបត្តិកម្រិត C មកពី Compass Education, Flooring Xtra, Chen Foods, Explorers Early Learning និងAmtrade International។

នាឱកាសនោះដែរ ក្រុមហ៊ុន Prince Real Estate Group បានរៀបចំផ្តល់ការគាំទ្រក្នុងការអភិវឌ្ឍវិស័យអចលនទ្រព្យ ម្ហូបអាហារនិងភេសជ្ជៈ និងការលក់រាយ សម្រាប់ប្រតិភូផ្នែកធុរកិច្ចអូស្ត្រាលីដែលកំពុងស្វែងរកការពង្រីកអាជីវកម្មនៅកម្ពុជា។

លោក Tom O’Sullivan ជាពាណិជ្ជករអូស្ត្រាលីម្នាក់ បានចាត់ទុកវេទិកានេះ មានសារៈសំខាន់សម្រាប់ភាពជោគជ័យនៃអាជីវកម្មក្នុងតំបន់ ដើម្បីបង្កើតភាពជាដៃគូដ៏មានតម្លៃ និងឱកាសវិនិយោគថ្មីៗ តាមរយៈការចាប់ដៃគូជាមួយអាជីវកម្មដែលគួរឱ្យទុកចិត្តនៅក្នុងប្រទេសកម្ពុជា និងការប្រមូលផ្តុំអ្នកជំនាញដែលមានទស្សនៈដូចៗគ្នា។

ក្រៅពីនេះ ក្រុមហ៊ុន Prince Real Estate Group ក៏នឹងព្យាយាមរៀបចំទទួលស្វាគមន៍គណៈប្រតិភូផ្នែកធុរកិច្ចកាន់តែច្រើនពីតំបន់អាស៊ីប៉ាស៊ីហ្វិកបន្ថែមទៀត ដើម្បីធ្វើជាសាក្សី និងចូលរួមនៅក្នុងគន្លងអភិវឌ្ឍរបស់ប្រទេសកម្ពុជា។