គម្រោងទីលានចាក់សំរាមទំហំ ៨ ហិកតា នៅខេត្តកែបសម្រេចបាន ៧៥% ហើយ គ្រោងបញ្ចប់ខែតុលា

Samphors Sao
26 ខែមីនា 2021
ព័ត៌មានក្នុងស្រុក
132 មើល

គម្រោងទីលានចាក់សំរាមទំហំ ៨ ហិកតា នៅខេត្តកែប ដែលបានបើកការដ្ឋានកាលពីចុងខែ ឧសភា កន្លងទៅនេះ សម្រេចបាន ៧៥% ហើយ ដោយគ្រោងនឹងបញ្ចប់ខែតុលា ឆ្នាំនេះ។

ប្រធានគ្រប់គ្រងគម្រោង លោក ទិត្យ ទីគា បានឱ្យដឹងថា គម្រោងនេះមានទីតាំងស្ថិតនៅក្នុង សង្កាត់ព្រៃធំ ក្រុងកែប ដែលកំពុងសសាងសង់ឡើងក្រោមឥណទានរបស់ធនាគារអភិវឌ្ឍន៍អាស៊ី (ADB)។

សម្រាប់ជំហានទី ១ នៃគម្រោង ក្រុមការងារបានសាងសង់ផ្លូវបេតុង ប្រវែង ៣៥០០ ម៉ែត ទទឹង ៧ ម៉ែត្រ រួមទាំងសំណង់សិល្បការ្យមួយចំនួនផងដែរ។ ដោយឡែក សម្រាប់ជំហានទី២ រួមមានការសាងសង់ អាងស្ទុកសំរាម ចំនួន ៣ កន្លង ដែលមកដល់បច្ចុប្បន្នសម្រេចបានទាំងស្រុងហើយដែរ។

ក្រៅពីនេះ ក្រុមការងារ ក៏កំពុងសាងសង់អាគារញែកសំរាម អគារបុគ្គលិក និងការអ៊ុតកៅស៊ូបាតអាងស្តុកសំរាមផងដែរ ។

គួរបញ្ជក់ផងដែរថា ទីលានចាក់សំរាមនេះគ្រោងនឹងបញ្ចប់ការសាងសង់នៅថ្ងៃទី១១ ខែតុលា ខាងមុខ ដែលនឹងមានសមត្ថភាពអាចស្ទុកសំរាមបានរយៈពេល២០ឆ្នាំ។

- Video Advertisement -