គម្រោងផ្លូវដែករបស់ឡាវធ្វើឲ្យការតភ្ជាប់របស់សឹង្ហបុរីកាន់តែខិតជិត

• Proeksa Meas
• 6 ខែ​ធ្នូ 2016
• Uncategorized
• 122 មើល

គម្រោងតភ្ជាប់ផ្លូវដែករបស់ចិនដែលលាតសន្ធឹងតាមផ្លូវភាគខាងត្បូងទៅកាន់ប្រទេសសឹង្ហបុរី កាន់តែខិតជិតទៅរកការសម្រេចនៅក្នុងខែកញ្ញា នៅពេលដែលក្រុមហ៊ុន China Railway Group (CRG) ទទួលបាននូវកិច្ចសន្យាក្នុងតម្លៃ ១,២ ប៊ីលានដុល្លារ ដើម្បីសាងសង់ផ្នែកដ៏ធំនៃផ្លូវដែកឆ្លងកាត់តាមប្រទេសឡាវ។

កិច្ចសន្យាជាមួយក្រុមហ៊ុនបុត្រសម្ព័ន្ធរបស់ CRG គ្របដណ្តប់លើបីផ្នែកដំបូងនៃគម្រោងផ្លូវដែក Boten-Vientiane ដែលមានប្រវែង ៤១៤គីឡូម៉ែត្រ ដែលនឹងរត់ពីភាគខាងជើង ប៊ូតង់ ប្រទេសចិន ទៅទីក្រុងវៀងចន្ទន៍ឆ្ពោះទៅភាគខាងត្បូងនៃព្រំដែនប្រទេសថៃ។ ការសាងសង់ផ្នែកទី១ ទី២ និងទី៣ ត្រូវបានគេរំពឹងថានឹងប្រើពេល ៦០ខែ។

នៅក្នុងខែធ្នូ កាលពីឆ្នាំមុន ក្រុមហ៊ុនបុត្រសម្ព័ន្ធ CRG មួយទៀត បានធានានូវកិច្ចសន្យាដែលមានតម្លៃ ៣៤៤ លានដុល្លារអាមេរិក សម្រាប់ផ្នែកទី៦ នៃខ្សែផ្លូវរថភ្លើងដដែល ។

ក្រុមហ៊ុន China Railway Group បានឲ្យដឹងថា ផ្លូវដែកទាំងមូលនឹងត្រូវចំណាយប្រាក់ប្រមាណ ៥,៦ ប៊ីលានដុល្លារ។