គម្រោងសាង់សង់ជាច្រើននៅវៀតណាមិនបានបញ្ចប់ការសាងសង់

• Proeksa Meas
• 27 ខែ​កក្កដា 2017
• ព័ត៌មានសំណង់
• 249 មើល

បើទោះបីជាទីផ្សារអចលនទ្រព្យនៅប្រទេសវៀតណាមកំពុងមានសន្ទុះរីកចម្រើនខ្លាំងក្នុងរយៈពេលប៉ុន្មានឆ្នាំចុងក្រោយនេះក៏ដោយ ខណៈដែលភាគខាងជើងនៃប្រទេសវៀតណាមនៅតែបន្តផលលំបាកក្នុងការអភិវឌ្ឍទីផ្សារអចលនទ្រព្យដោយសារគម្រោងមួយចំនួនធំទុកចោលដោយមិនបានបញ្ចប់ការសងសង់នោះទេ។

រយៈពេល៥ខែ ដើមឆ្នាំ២០១៧ ទីក្រុងហាណូយទទួលបានគម្រោងសាងសង់ ៥.៤០០ គម្រោង ខណៈដែលទីក្រុងហូជីមិញទទួលបានគម្រោងសាងសង់ ៥.៨៧០ គម្រោងដោយមាន កំណើន ១៣ភាគរយ នៅទូទាំងប្រទេស។

គម្រោងសាងសង់ភាគច្រើនបានផ្តោតលើអ្នកមានប្រាក់ចំណូលមធ្យម និងប្រាក់ចំណូលខ្ពស់ បើទោះជាការផ្គត់ផ្គង់លំនៅឋានងាកមករកការលក់ក្នុងតម្លៃទាប។

ទោះយ៉ាងណា គម្រោងអភិវឌ្ឍន៍ថ្មីៗប្រមាណជាង ៤៧គម្រោង ហើយក្នុងនោះមានចំនួន១២គម្រោង ត្រូវបានទុកចោលមិនបញ្ចប់ការសាងសង់អស់រយៈពេលជាង ១០ឆ្នាំមកហើយ។ មិនតែប៉ុណ្ណោះ ទីរួមស្រុក Me Linh តំបន់ជាយក្រុងនៃទីក្រុងហាណូយមានគម្រោងអភិវឌ្ឍន៍ដែលស្ថិតលើផ្ទៃដី ១,៨០០ហិកតា ក៏ប្រឈមនឹងផលលំបាកចំពោះគម្រោងមិនបានបញ្ចប់ការសាងសង់នោះដែរ៕