ចិននឹងបោះទុន ៧ពាន់លានដុល្លារវិនិយោគវិស័យបួននៅកម្ពុជា

• Proeksa Meas
• 18 ខែ​ធ្នូ 2017
• ព័ត៌មានសំណង់
• 233 មើល

ភ្នំពេញ៖ ក្រុមហ៊ុនយក្ស​ចិនធំៗចំនួន​ពីរដែលជាក្រុមហ៊ុនអភិវឌ្ឍន៍អចលនទ្រព្យ និងក្រុមហ៊ុនសំណង់របស់ចិនបានប្រកាសថានឹងបោះទុន៧ពាន់លានដុល្លារអាមេរិក វិនិយោគលើវិស័យចំនួនបួននៅកម្ពុជា​។

ការ​ប្រ​កាសបោះ​ទុនវិនិយោគខ្ទង់ពាន់លានដុល្លាររបស់ក្រុមហ៊ុនយក្សចិនទាំងពីរនេះ​ បានធ្វើឡើងនៅក្នុង​ជំនួបកិច្ចពិភាក្សាការងារនៅទីក្រុងប៉េកាំងរវាង សម្តេចតេជោ ហ៊ុន សែន ជាមួយប្រធានក្រុមហ៊ុន Greenland Holding Group គឺលោក​​ ​ហ្សាង យូលាង និង លោក ឆេង រីសេង ប្រធានក្រុមហ៊ុន Henan Transport Investment Group​ កាលពីចុង​ខែវិច្ឆិកា​កន្លងមកនេះ។

ក្រុមហ៊ុនទាំងពីរ​បានបង្ហាញគោលជំហរបស់ខ្លួន ក្នុងការបណ្តាក់ទុនវិនិយោគនៅកម្ពុជា លើវិស័យ ៤ គឺ ទី១-ការសាងសង់ផ្លូវល្បឿនលឿន ទី២-ការកសាងទីក្រុងរណប និងមជ្ឈមណ្ឌលសិក្សាធិការ និងវិជ្ជាជីវៈ ទី៣-គម្រោងសំណង់អាគារបម្រើវិស័យទេសចរណ៍ និងកន្លែងកំសាន្តខ្នាតអន្តរជាតិ និង ទី៤-ធនាគារវិនិយោគខ្នាតធំ។

ទន្ទឹមជាមួយគ្នានេះ​ សម្តេចតេជានាយករដ្ឋមន្ត្រីសង្ឃឹមថា នៅដែលពេលក្រុមហ៊ុននេះវិនិយោគនៅកម្ពុជា គឺនឹងផ្តល់ការងារដល់ពលរដ្ឋខ្មែរប្រមាណជាង២ម៉ឺននាក់។