តម្លៃលំនៅឋាននៅហុងកុងកើនឡើងខ្ពស់ជាប្រវតិ្តសាស្រ្ត

• Proeksa Meas
• 27 ខែ​កក្កដា 2017
• ព័ត៌មានសំណង់
• 252 មើល

តម្លៃលំនៅឋាននៅទីក្រុងហុងកុងនាពេលបច្ចុប្បន្នបានកើនឡើងដល់ ៧៥,៩ភាគរយ ពោលគឺខ្ពស់ជាងកាលពី២០ឆ្នាំមុន នៅពេលដែលទីក្រុងមួយនេះស្ថិតនៅក្រោមការគ្រប់គ្រងដោយសាធារណៈរដ្ឋប្រជាមានិតចិន។ នេះបើយោងតាមការសិក្សាស្រាវជា្រវរបស់ក្រុមហ៊ុន JLL ស្តីពីទិដ្ឋភាពទីផ្សារតម្លៃដី និងលំនៅដ្ឋានស្នាក់នៅ។

ការវិនិយោគពីសាធារណរដ្ឋចិន នៅតែបន្តធ្វើឲ្យតម្លៃអចលនទ្រព្យនៅហុងកុងកាន់តែកើនឡើងខ្លាំង ហើយជាកត្តាលីករធ្វើឲ្យទីក្រុងនេះ បានកា្លយជាទីក្រុងដែលមានតម្លៃថ្លៃជាងគេបំផុតនៅលើពិភពលោក។

គម្រោងសាងសង់លំនៅឋានជាច្រើនត្រូវបានអភិវឌ្ឍដោយក្រុមហ៊ុនអ្នកអភិវឌ្ឍមកពីសាធារណៈរដ្ឋចិន បានកើនឡើងពីមួយភាគរយក្នុងឆ្នាំ ២០០១ រហូតដល់ ១០០ភាគរយក្នុងឆ្នាំ២០១៧ នេះ។

យោងតាមការសិក្សាស្រាវជា្រវរបស់ក្រុមហ៊ុន JLL បានបង្ហាញឲ្យដឹងដែរថា និន្នាការនេះរំពឹងថា តម្លៃអចលនទ្រព្យនៃគម្រោងលំនៅឋានធំៗនិងលំនៅឋានប្រណីតៗនៅក្នុងក្រុងនឹងមានការកើនឡើងចន្លោះពី ១០ ទៅ១៥ ភាគរយបន្ថែមទៀតក្នុងឆ្នាំ ២០១៧នេះ៕