តើអាមេរិកប្រើបច្ចេកវិទ្យាអ្វីដើម្បីជួសជុលស្ពានចាស់ៗជាង ១០០០ កន្លែង បានយ៉ាងលឿន?

webmaster@construction-property.com
12 ខែមីនា 2026
ព័ត៌មានសំណង់
1094 មើល

រដ្ឋ Kentucky នៃសហរដ្ឋអាមេរិកថ្មីៗនេះបានបង្ហើបពីការប្រើបច្ចេកវិទ្យាកម្រិតខ្ពស់ថ្មីមួយដើម្បីជួសជុលស្ពានចាស់ទ្រុឌទ្រោមជាង ១,០០០ កន្លែងបានយ៉ាងលឿន ដោយមិនចាំបាច់ប្រើពេលដល់ទៅជាង១០ឆ្នាំ ឬចំណាយប្រាក់យ៉ាងច្រើនសន្ធឹកសន្ធាប់នោះទេ។

តាមរយៈការប្រើប្រាស់បញ្ញាសិប្បនិម្មិត (AI) និងបច្ចេកវិទ្យា Digital Twin ក្រុមហ៊ុនវិស្វកម្ម Qk4 បានធ្វើទំនើបកម្មកម្មវិធីស្ពានរបស់រដ្ឋ ដោយកាត់បន្ថយពេលវេលាត្រួតពិនិត្យបានរហូតដល់ ៩០% និងសន្សំថវិការាប់លានដុល្លារ។

បន្ទាប់ពីគ្រោះទឹកជំនន់នៅក្នុងឆ្នាំ ២០២២ រដ្ឋ Kentucky បានប្រឈមមុខនឹងភារកិច្ចដ៏លំបាកក។ ស្ពានជាង ១,០០០ កន្លែងត្រូវការការជួសជុល ដែលស្ពានភាគច្រើនបានខូចខាតផ្នែករចនាសម្ព័ន្ធយ៉ាងធ្ងន់ធ្ងរ។

ប្រសិនបើប្រើប្រាស់វិធីសាស្ត្របែបធម្មតា គម្រោងនេះអាចនឹងចំណាយពេល ១០ ឆ្នាំ និងអស់ប្រាក់ប្រហែល ៧ លានដុល្លារអាមេរិក។ ក្រោយវិភាគ ក្រុមហ៊ុនយល់ថាការប្រើវិធីបែបធម្មតាគឺមិនទាន់ពេលឡើយ ខណៈសម្រេចចិត្តជ្រើសរើសប្រើកម្មវិធីរបស់ Bentley។

កាលពីមុន អ្នកវាស់វែងត្រូវចំណាយពេលរាប់ខែដើម្បីវាស់ស្ទង់ស្ពានមួយដោយផ្ទាល់ និងគូរទិន្នន័យដោយដៃ។ ប៉ុន្តែជាមួយនឹងបច្ចេកវិទ្យាថ្មីរបស់ក្រុមហ៊ុន Bentley ក្រុមវិស្វករប្រើប្រាស់ដ្រូន (Drones) និងឧបករណ៍ស្កែនឡាស៊ែរ ដើម្បីបង្កើត “Digital Twin” ដែលជាប្លង់និម្មិត 3D ដ៏មានសុក្រិតភាពខ្ពស់នៃស្ពានទាំងនោះ។ គំរូនេះប្រាប់យ៉ាងលម្អិតថាស្ពាននោះខូចត្រង់ណាស់ ហើយត្រូវជួសជុលយ៉ាងដូចម្ដេច។

ក្រោយពីបានទិន្នន័យ វិស្វករបានប្រើ AI ដើម្បីវិភាគលើចំណុចកំហូចនីមួយៗនោះ។ ទិន្នន័យនីមួយៗបានប្រាប់កុំព្យូទ័រយ៉ាងច្បាស់ថាវាជាកំហូចប្រភេទអ្វី ជាកំហូចធ្នឹមដែក ឬកំហូចសសរបេតុងជាដើម។ បន្ទាប់មកវាប្រាប់ថាត្រូវជួសជុលយ៉ាងដើម្បីស្ដាររចនាសម្ព័ន្ធទាំងមូល។

ការស្ទង់មតិស្ពានដែលធ្លាប់ចំណាយពេល ៣ ខែ ឥឡូវនេះត្រូវបានបញ្ចប់ក្នុងរយៈពេលត្រឹមតែ ៣ ថ្ងៃប៉ុណ្ណោះ។ ការសន្សំសំចៃពេលវេលាយ៉ាងច្រើននេះ បានជួយឱ្យក្រុមហ៊ុនកាត់បន្ថយចំណាយយ៉ាងសន្ធឹកសន្ធាប់ពី ៧ លានដុល្លារអាមេរិក មកនៅត្រឹម ៣.៥ លានដុល្លារអាមេរិក។

លើសពីនេះ គំរូឌីជីថលទាំងនេះមានភាពច្បាស់លាស់ខ្លាំង ដែលវិស្វករអាចមើលឃើញចំណុចខ្វះខាត និងរៀបចំផែនការជួសជុលបានតាំងពីនៅក្នុងការិយាល័យ ដែលជួយកាត់បន្ថយកំហុសអចេតនារបស់មនុស្ស និងរក្សាសុវត្ថិភាពកម្មករពីតំបន់ចរាចរណ៍ដែលមានគ្រោះថ្នាក់។

កម្មវិធីនេះទទួលបានជោគជ័យយ៉ាងខ្លាំង ដែលបច្ចុប្បន្នត្រូវបានគេយកទៅប្រើប្រាស់ជាគំរូសម្រាប់រដ្ឋផ្សេងទៀតទូទាំងប្រទេស។

- Video Advertisement -