ថៃនឹងទទួលខុសត្រូវតែម្នាក់ឯងក្នុងការតភ្ជាប់ផ្លូវរថភ្លើង

• Proeksa Meas
• 10 ខែ​កក្កដា 2016
• ព័ត៌មានសំណង់
• 269 មើល

លោក ប្រាយុទ្ធ ចាន់អូចា នាយករដ្ឋមន្ត្រីថៃបានប្រកាសថា ប្រទេសថៃមានសមត្ថភាព និងការត្រៀមខ្លួនផ្នែកហិរញ្ញប្បទាន ដើម្បីផ្ដល់មូលនិធិយ៉ាងពេញលេញសម្រាប់គម្រោងផ្លូវរថភ្លើងល្បឿនលឿនតម្លៃរាប់ពាន់លានបាត។ ការថ្លែងនេះបានប្រព្រឹត្តទៅ បន្ទាប់ពីដំណើរទស្សនកិច្ចរបស់លោកនៅប្រទេសចិន។

លោកបានប្រាប់អ្នកយកការណ៍នៅទីក្រុងបាងកកថា “យើងនឹងឈប់ធ្វើគម្រោងជាមួយប្រទេសចិនទៀតហើយ។ វាជាការល្អប្រសើរជាងមុនក្នុងការធ្វើគម្រោងនេះតែម្នាក់ឯង។”

រដ្ឋមន្ត្រីក្រសួងគមនាគមន៍ លោក Arkhom Termpittayapaisith បានថ្លែងថា ក្រោមកិច្ចព្រមព្រៀងរដ្ឋាភិបាលនិងរដ្ឋាភិបាល ប្រទេសចិនទទួលបន្ទុកវិស្វកម្ម លទ្ធកម្ម និងការគ្រប់គ្រងសំណង់ ការផ្គត់ផ្គង់រថភ្លើង ផ្តល់សញ្ញាបង្ហាញប្រព័ន្ធ និងផ្លូវ ទោះបីជាវិនិយោគិនថៃនឹងត្រូវបានអនុញ្ញាតឲ្យចូលរួមក្នុងការសាងសង់នេះក៏ដោយ។ លោករំពឹងថាការសាងសង់នឹងចាប់ផ្តើមកាន់តែឆាប់តាមដែលអាចធ្វើទៅបាន ប៉ុន្តែលោកបានសង្កត់ធ្ងន់ថា ប្រទេសចិនគួរតែផ្តល់ជូននូវ “លក្ខខណ្ឌមិត្តភាព” នៅលើអត្រាការប្រាក់ និងតម្លៃ។