ថៃ​ និងអង់គ្លេសបង្កើតការផ្តួចផ្តើមប្រឆាំងអំពើពុករលួយ

• Proeksa Meas
• 5 ខែ​មេសា 2016
• ព័ត៌មានសំណង់
• 138 មើល

ស្ថានទូតអង់គ្លេសប្រចាំនៅទីក្រុងបាងកក និងការិយាល័យគោលនយោបាយសហគ្រាសរដ្ឋរបស់ថៃ បានសហការរៀបចំសិក្ខាសាលាមួយស្តីពីការផ្តួចផ្តើមគំនិតលើតម្លាភាពវិស័យសំណង់ (CoSt)។

កាលពីឆ្នាំមុនប្រទេសថៃបានចុះហត្ថលេខាដើម្បីក្លាយជាប្រទេសសមាជិកទី 14 នៃតម្លាភាពវិស័យសំណង់ (CoSt) ដែលជាគំនិតផ្ដួចផ្ដើមជាសកលដើម្បីកាត់បន្ថយអំពើពុករលួយនៅក្នុងឧស្សាហកម្មសំណង់។

លោក Mark Kent អគ្គរាជទូតអង់គ្លេសប្រចាំប្រទេសថៃបានលើកឡើងថា វាគឺជាដំណើរការពិបាកនៅក្នុងកិច្ចការសំណង់ និងការងារសាធារណៈ ដែលត្រូវបានគេស្គាល់ថាជាផ្នែកមួយនៃវិស័យអាជីវកម្មដែលមានអំពើពុករលួយបំផុត ហើយមិនមែនមានតែប្រទេសថែមួយនោះទេដែលកើតមានបញ្ហានេះ។

ការសិក្សាមួយបានប៉ាន់ប្រមាណថា 10-30% នៃការវិនិយោគនៅក្នុងហេដ្ឋារចនាសម្ព័ន្ធសាធារណៈអាចត្រូវបានបាត់បង់តាមរយៈអំពើពុករលួយ ការគ្រប់គ្រងមិនល្អ និងអប្រសិទ្ធិភាព។

នៅក្នុងការអនុវត្តស្តង់ដារអន្តរជាតិសម្រាប់តម្លាភាពក្នុងវិស័យសំណង់ ដើម្បីដោះស្រាយបញ្ហាទាំងនោះប្រទេសថៃត្រូវការឱ្យបង្កើតប្រព័ន្ធនៃការបញ្ចេញ និងការធានាដើម្បីបង្កើនតម្លាភាពនៅក្នុងគម្រោងសាងសង់សាធារណៈ៕