ទីផ្សារអចលនទ្រព្យថៃចាប់ផ្តើមស្ទុះងើបឡើងវិញ

• Proeksa Meas
• 27 ខែ​កក្កដា 2017
• ព័ត៌មានសំណង់
• 207 មើល

ទីផ្សារខុនដូរបស់ប្រទេសថៃបានស្ទុះងើបឡើងវិញបន្តិចក្នុងត្រីមាសទី១ ឆ្នាំ២០១៧ នេះ ដោយសារតែតម្រូវការកើនឡើង ខណៈគម្រោងថ្មីៗជាច្រើនបានថយចុះ។

ការលក់គម្រោងថ្មីៗក្នុងត្រីមាសទី១ ឆ្នាំ២០១៧ នេះមានអត្រាកំណើន ៦៧ភាគរយ ហើយបើធៀបនឹងរយៈពេលដូចគ្នាកាលពីឆ្នាំ២០១៦ កើនឡើង ៣ភាគរយ។ ទាំងការលក់ និងការបញ្ចប់គម្រោងសាងសង់បានធ្លាក់ចុះបន្ទាប់ពីព្រះមហាក្សត្រថៃបានចូលសោយទីវង្គត់កាលពីឆ្នាំ២០១៦ កន្លងមកនេះ។

តម្លៃមធ្យមក្នុងការលក់សម្រាប់គម្រោងអគារខុនដូថ្មីៗដែលស្ថិតនៅក្នុងតំបន់មជ្ឈមណ្ឌលពាណិជ្ជកម្ម (CBD) មួយម៉ែត្រការ៉េលក់ក្នុងតម្លៃ ៧.១១០ ដុល្លារអាមេរិកក្នុងត្រីមាសទី១នេះ ដែលមានអត្រាកំណើន ៧.១ភាគរយ បើធៀបនឹងរយៈពេលដូចគ្នាគឺកើនឡើងខ្ពស់ជាងឆ្នាំមុន។ ប៉ុន្តែតម្លៃនេះមិនមានការប្រែប្រួលដោយគិតចាប់់តាំងពីត្រីមាសទី៤ ក្នុងឆ្នាំ២០១៦ មកម្ល៉េះ។

បើយោងតាមការសិក្សាស្រាវជ្រាវដោយក្រុមហ៊ុន Edmund Tie & Co. បានបង្ហាញឲ្យដឹងថា គម្រោងអភិវឌ្ឍអគារខុនដូថ្មីៗចំនួនប្រាំពីរគម្រោង ដោយមានបន្ទប់ស្នាក់នៅចំនួន ២.៣៦៧ យូនីតស្ថិតនៅក្នុងតំបន់មជ្ឈមណ្ឌលពាណិជ្ជកម្ម ក្នុងត្រីមាសទី១ ឆ្នាំ២០១៧ មានការកើនឡើង ៤,៤ ភាគរយពីមួយឆ្នាំទៅមួយឆ្នាំ៕