ប្រទេសវៀតណាមនឹងសាងសង់រោងចក្រដែកដ៏ធំមួយ

• Proeksa Meas
• 29 ខែ​មីនា 2017
• Uncategorized
• 86 មើល

មជ្ឈមណ្ឌលផលិតកម្មដែកដ៏ធំមួយនឹងត្រូវបានធ្វើការសាងសង់នៅក្នុងប្រទេសវៀតណាមភាគកណ្តាល ដែលជាផ្នែកមួយនៃគម្រោងរបស់រដ្ឋាភិបាលដើម្បីកាត់បន្ថយនូវការ នាំចូលដែកពីប្រទេសចិន។

HoaPhat Group នឹងសាងសង់នូវរោងចក្រដែលមានតម្លៃ ២,៧ពាន់លានដុល្លារ នៅក្នុងខេត្តកាងង៉ៃជាមួយនឹងសមត្ថភាពផលិត ៦តោនក្នុងមួយឆ្នាំ។ រដ្ឋាភិបាលក៏មាន គម្រោងនឹងសាងសង់នូវរោងចក្រដូចនេះចំនួន ១០ ផ្សេងទៀតនូវទូទាំងប្រទេស ក្នុងកិច្ចខិតខំ ប្រឹងប្រែងដើម្បីផលិតដែកចំនួន ១៨លានតោន ដែលប្រទេសវៀតណាមបាននាំចូលជា រៀងរាល់ឆ្នាំ ដែលក្នុងនោះគឺ ៦០ភាគរយមកពីប្រទេសចិន។

រោងចក្ររបស់ក្រុមហ៊ុន HoaPhat បានបង្កើតការងារចំនួនប្រហែល ៨.០០០កន្លែង និងប្រាក់ចំណូលចំនួន ២ពាន់លានដុល្លារ។

កិច្ចប្រឹងប្រែងរបស់រដ្ឋាភិបាលដើម្បីគ្រប់គ្រងផលិតកម្មដែកនេះ បានកើតទ្បើងបន្ទាប់ពី មានបញ្ហាហិរញ្ញវត្ថុ និងបរិស្ថានជាច្រើនបានកើតទ្បើងដោយសារក្រុមហ៊ុនផលិតដែក របស់តៃវ៉ាន់នៅក្នុងប្រទេសវៀតណាម៕