ប្រទេសឥណ្ឌូនេស៊ីកំពុងស្វែងរកអ្នកវិនិយោគឯកជនដើម្បីធ្វើការវិនិយោគលើកំពង់ផែ និងអ

• Proeksa Meas
• 1 ខែ​កុម្ភៈ 2017
• Uncategorized
• 196 មើល

ប្រទេសឥណ្ឌូនេស៊ីកំពុងស្វែងរកអ្នកវិនិយោគឯកជនដើម្បីធ្វើការវិនិយោគលើកំពង់ផែ និងអាកាសយានដ្ឋានរបស់ខ្លួន

ប្រទេសឥណ្ឌូនេស៊ី កំពុងស្វែងរកការវិនិយោគឯកជន ទៅលើអាកាសយានដ្ឋាន និង កំពង់ផែ មួយចំនួនក្នុងប្រទេស ដែលកំពុងតែជួបប្រទះនូវបញ្ហាហិរញ្ញវត្ថុ ក្នុងគោលបំណងដើម្បីកាត់បន្ថយឱនភាពថវិកា និងដើម្បីបង្កើនទុនវិនិយោគលើហេត្ថារចនាសម្ព័ន្ធថ្មី។

តាមរយៈគម្រោងរបស់លោកប្រធានាធិបតី ចូកូ វីដូដូ រដ្ឋាភិបាលនឹងលក់នូវភាគហ៊ុនប្រមាណ ៤៥ ភាគរយនៃអាកាសយានដ្ឋានចំនួន ១០ និង កំពង់ផែចំនួន ២០ ក្នុងប្រទេស ហើយរដ្ឋាភិបាលនៅតែជាម្ចាស់ភាគហ៊ុនធំក្នុងការគ្រប់គ្រងដដែល។ Bloomberg បានរាយការពីប្រសាសន៍របស់លោករដ្ឋមន្ត្រីក្រសួងដឹកជញ្ជូន លោក Budi Karya Sumadi កាលពីដើមខែវិច្ឆិកា ដែលបានលើកឡើងថា ការលក់ភាគហ៊ុនអាចនឹងចាប់ផ្តើមនៅឆ្នាំ ២០១៧ ដោយចាប់ផ្តើមពីអាកាសយានដ្ឋាន Kualanamu ស្ថិតនៅខាងជើងកោះស៊ូម៉ាត្រា និង អាកាសយានដ្ឋាន Sepinggan ស្ថិតនៅខាងកើតកោះ Kalimantan។

រដ្ឋាភិបាលនឹងអញ្ជើញក្រុមហ៊ុនមួយចំនួន ដូចជា ក្រុមហ៊ុន Inch Airport Corp ក្រុមហ៊ុន GVK Power & Infrastructure Ltd និង ក្រុមហ៊ុន Vinci SA ដើម្បីចូលរួមក្នុងការដេញថ្លៃ៕