ពានរង្វាន់អចលនទ្រព្យថៃបានចាប់ផ្តើម

Proeksa Meas
30 ខែឧសភា 2017
ព័ត៌មានសំណង់
142 មើល

ពានរង្វាន់អចលនទ្រព្យថៃ PropertyGuru ប្រចាំឆ្នាំដែលផ្តល់រង្វាន់ជូនដល់អ្នកអភិវឌ្ឍន៍ល្អបំផុត អចលនទ្រព្យប្រកបដោយលក្ខណៈសម្បត្តិល្អនៅទូទាំងប្រទេសថៃ នឹងវិលត្រឡប់មកវិញក្នុងកម្មវិធីប្រចាំឆ្នាំលើកទី១២ របស់ខ្លួននៅខែកញ្ញាឆ្នាំនេះ។ ព្រឹត្តិការណ៍នេះធ្វើឡើងបន្ទាប់ពីជោគជ័យនៃកម្មវិធីពានរង្វាន់អចលនទ្រព្យកម្ពុជាលើកទី ២ ក្នុងខែមីនា ថ្មីៗនេះ។

អ្នករៀបចំកម្មវិធីរំពឹងថានឹងមានការចូលរួមពីក្រុមហ៊ុនអភិវឌ្ឍន៍ជាង ៣០០ ជាមួយនិងគម្រោងដែលកំពុងដំណើរការនៅក្នុងទីផ្សារធំនៅទីក្រុងបាងកក និងភូកេត ព្រមទាំងគោលដៅដែលកំពុងរីកចម្រើនផ្សេងទៀត។ ដំណើរការតែងតាំងបេក្ខភាពបញ្ជូនមកចូលរួមប្រកួតសម្រាប់រង្វាន់ជាង ៣០ ប្រភេទ នឹងបើកទទួលរហូតដល់ថ្ងៃសុក្រទី ៣០ ខែមិថុនា ឆ្នាំ២០១៧។

អ្នកឈ្នះកំពូលៗពីប្រទេសថៃនឹងមានសិទ្ធិទៅចូលរួមក្នុងវគ្គផ្ដាច់ព្រ័ត្រក្នុងកម្មវិធីពានរង្វាន់អចលនទ្រព្យអាស៊ីដែលប្រារព្ធឡើងជារៀងរាល់ឆ្នាំនៅប្រទេសសិង្ហបុរី ក្នុងខែវិច្ឆិកា។

- Video Advertisement -