ពីស្ពានអាកាសគ្មានសោភ័ណភាព ក្លាយជាស្ពានអាកាសអមដោយសួនធម្មជាតិ

• Proeksa Meas
• 10 ខែ​កក្កដា 2017
• ព័ត៌មានសំណង់
• 217 មើល

គម្រោងសាងសង់ស្ពានអាកាសផ្លូវកាត់មួយក្នុងទីក្រុងសេអូលប្រទេសកូរ៉េខាងត្បូងដែលបានសាងសង់ឡើងក្នុងអំឡុងទសវត្សរ៍ឆ្នាំ ១៩៧០ ដែលគ្មានសោភ័ណទាក់ទាញ ឥឡូវនេះត្រូវបានកែច្នៃជាស្ពានអាកាស អមដោយសួនរុក្ខជាតិ សម្រាប់ការដើរលំហែកាយរបស់ប្រជាជន។

ស្ពានអាកាសផ្លូវឆ្លងកាត់នេះមានប្រវែង៩៨៣ម៉ែត្រ ហើយវាមានឈ្មោះថា “Seoullo 7017” ឬហៅថា “សួនអាកាស” ដែលមានដើមរុក្ខជាតិ គម្ពោធព្រៃតូចៗ សម្រាប់លំអ និងដើមផ្កាប្រមាណជាង២០០ប្រភេទ។

ស្ពានអាកាសដែលអមដោយសួនរុក្ខជាតិមួយនេះ ត្រូវបានរចនាដោយក្រុមហ៊ុន MVRDV មានមូលដ្ឋាននៅប្រទេសហូឡង់។ សួនរុក្ខជាតិនីមួយៗត្រូវបានរចនាមួយដុំជាប់ៗគ្នា ដោយដាក់ពង្រាយតាមបណ្តោយផ្លូវដើរលើស្ពានអាកាសដោយមានដើមរុក្ខជាតិ ២៤.០០០ដើម។ ម្យ៉ាងវិញទៀត សួននីមួយៗត្រូវបានរចនាឲ្យមានក្លិន និងពណ៌តែមួយ ហើយវាក៏ត្រូវបានរចនាអាចផ្លាស់ប្តូរតាមរដូវកាលផងដែរ។