ភាពមិនច្បាស់លាស់ខាងទីផ្សារជុំវិញគម្រោងដ៏ធំនៅកំពត

• Proeksa Meas
• 6 ខែ​ធ្នូ 2016
• Uncategorized
• 270 មើល

ក្រុមហ៊ុនមួយកំពុងស្វែងរកការយល់ព្រមពីអាជ្ញាធរកម្ពុជាសម្រាប់គម្រោងមួយដើម្បីបង្កើតកោះពីរនៅឯនាយឆ្នេរសមុទ្រនៃខេត្តកែប ដែលជាផ្នែកមួយនៃគម្រោងមណ្ឌលកំសាន្តដ៏ធំមានតម្លៃ ២៣,២ ប៊ីលានដុល្លារ។

ក្រុមហ៊ុន Pallas Brilliant ដែលជាក្រុមហ៊ុនអភិវឌ្ឍន៍គម្រោងនេះ គ្រោងនឹងសាងសង់តំបន់ទេសចរណ៍កំសាន្តចម្រុះដែលមានផ្ទៃក្រឡា ៤.១៥៨ ហិកតា មានឈ្មោះថា “French Riviera City” នៅលើកោះដែលត្រូវបានបង្កើតយ៉ាងពិសេសចំនួនពីរក្នុងរយៈពេលប្រាំឆ្នាំខាងមុខ។

បើទោះបីជាក្រុមហ៊ុនអភិវឌ្ឍបានអះអាងពីការគាំទ្ររបស់រដ្ឋាភិបាល ប៉ុន្តែក្រុមប្រឹក្សាអភិវឌ្ឍន៍កម្ពុជា (CDC) បានឲ្យដឹងថា ក្រុមប្រឹក្សានៅមិនទាន់បានទទួលឯកសារទាំងអស់ ហើយក្រសួងបរិស្ថានក៏ត្រូវតែបញ្ចប់ការវាយតម្លៃផលប៉ះពាល់បរិស្ថាន (EIA) ជាមុនសិនដែរ។

យ៉ាងណាក៏ដោយ ប្រតិកម្មទីផ្សារភាគច្រើនមានលក្ខណៈមិនសូវចាប់អារម្មណ៍ ហើយលោក គីម ហ៊ាងប្រធានសមាគមអ្នកវាយតម្លៃអចលនវត្ថុ និងភ្នាក់ងារអចលនវត្ថុកម្ពុជា (CVEA) បានប្រាប់កាសែតភ្នំពេញប៉ុស្តិ៍ថា លោកគិតថាវាជារឿង “មិនគួរឲ្យជឿ”។