ភ្លើងបៃតងសម្រាប់ការអភិវឌ្ឍមីយ៉ាន់ម៉ា

• Proeksa Meas
• 3 ខែ​តុលា 2017
• ព័ត៌មានសំណង់
• 221 មើល

រដ្ឋាភិបាលមីយ៉ាន់ម៉ាបានផ្តល់ភ្លើងបៃតងសម្រាប់ការអភិវឌ្ឍប្រើប្រាស់ចម្រុះដ៏ធំមួយនៅក្នុងតំបន់បាហ្គោ ស្ថិតនៅចន្លោះរវាងទីក្រុងរ៉ង់ហ្គូននិងទីក្រុងម៉ាន់ដាឡាយ។

គម្រោងតម្លៃ ១៨៤លានដុល្លារ ដែលកំពុងត្រូវបានអភិវឌ្ឍន៍ដោយដោយក្រុមហ៊ុន Hantharwady Development Public Company នឹងមានលំនៅឋាន និងសួនឧស្សាហកម្មដែលស្ថិតនៅទីតាំងផ្សេងៗគ្នា។ តំបន់លំនៅឋាននឹងត្រូវអភិវឌ្ឍនៅលើផ្ទៃដីជាង ១០០ហិកតា ជាមួយនឹងសួនឧស្សាហកម្មដែលបានលាតសន្ធឹងលើផ្ទៃដីជាង ៩០០ហិកតា។

ក្រុមហ៊ុនដដែលខាងលើ ក៏កំពុងអភិវឌ្ឍន៍រមណីយដ្ឋានអេកូដ៏ធំសម្បើមមួយនៅលើផ្ទៃដីជិត ១០០០ ហិកតា ស្ថិតនៅចន្លោះទីតាំងទាំងពីរខាងលើផងដែរ។

គម្រោងទាំងមូលមានគោលបំណងទាក់ទាញការវិនិយោគដោយផ្ទាល់ពីបរទេស និងរួមបញ្ចូលផែនការដើម្បីអភិវឌ្ឍហេដ្ឋារចនាសម្ព័ន្ធដែលចាំបាច់។ មានការរំពឹងថា រដ្ឋាភិបាលជប៉ុននឹងផ្តល់មូលនិធិដល់ព្រលានយន្តហោះមួយដើម្បីបញ្ចប់ការសាងសង់នៅឆ្នាំ ២០២២។