រោងចក្រកែច្នៃដបប្លាស្ទិកនៅខេត្តពោធិ៍សាត់ តម្លៃ ២៩លានដុល្លារ ចាប់ផ្តើមសាងសង់ជាផ្លូវការ

រោងចក្រ​បច្ចេកវិទ្យា​ខ្ពស់ A1-Plastic ត្រៀម​ប្រែក្លាយ​ដប​ដែល​ប្រើ​រួច​ទៅជា​ផលិតផល PET ដែល​មាន​គុណភាព​ខ្ពស់ ដែល​បង្កើត​ការងារ​រាប់រយ និង​ជំរុញ​គោលដៅ​សេដ្ឋកិច្ច​បៃតង​របស់​កម្ពុជា

រោងចក្រកែច្នៃដបប្លាស្ទិក ដែលប្រើប្រាស់រួច ទៅជាប្រភេទ PET ក្រោមទុនវិនិយោគប្រមាណ ២៩លានដុល្លារ បានចាប់ផ្តើមបើកការដ្ឋានសាងសង់នៅលើខេត្តពោធិ៍សាត់ជាផ្លូវការហើយ ក្រោមអធិបតីភាព ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល និងជាប្រធានក្រុមការងាររាជរដ្ឋាភិបាល និងលោកស្រី Deborah Lee នាយិកាប្រតិបត្តិ និងជាប្រធានក្រុមហ៊ុន A1-Plastic កាលថ្ងៃទី១៩ ខែមករា ឆ្នាំ២០២៦។

រោងចក្រកែច្នៃដបប្លាស្ទិកនេះ គឺវិនិយោគសាងសង់ដោយក្រុមហ៊ុន A1-Plastic  ដែលជាក្រុមហ៊ុនជំនាញលើការផលិត និងចែកចាយផលិតផលប្លាស្ទិក ដ៏លេចធ្លោមួយក្នុងប្រទេសកម្ពុជា។ រោងចក្រនេះ បានបោះទីតាំងនៅតំបន់សេដ្ឋកិច្ចពិសេសពោធិ៍សាត់ ស្ថិតក្នុងឃុំស្នាអន្សា ស្រុកក្រគរ។

លោកស្រី Deborah Lee ប្រធានក្រុមហ៊ុន A1-Plastic បានឱ្យដឹងថា ក្រុមហ៊ុនបានចំណាយទុន ២៩លានដុល្លារ ជ្រើសរើសយកខេត្តពោធិ៍សាត់ គឺជាខេត្តគំរូ ក្នុងការចាប់ផ្តើមវិនិយោគកែច្នៃដបប្លាស្ទិក ដែលប្រើប្រាស់រួច ដើម្បីផលិតជាប្រភេទ PET មានគុណភាពខ្ពស់ ស្របតាមស្តង់ដាពិភពលោក សម្រាប់បម្រើដល់ឧស្សាហកម្មម្ហូបអាហារ និងភេសជ្ជៈ ឈានទៅប្រែក្លាយបញ្ហាប្រឈមផ្នែកបរិស្ថាន ទៅជាធនធានសេដ្ឋកិច្ចសម្រាប់កម្ពុជា។

ជាមួយគ្នានេះ ឯកឧត្តមរដ្ឋមន្រ្តី កែវ រតនៈ បានបង្ហាញក្តីសង្ឃឹមថា រោងចក្រនេះ នឹងចូលរួមចំណែកយ៉ាងសំខាន់ ដើម្បីលើកកម្ពស់ជីវភាព និងសុខុមាលភាព ជូនប្រជាពលរដ្ឋក្នុងខេត្តពោធិ៍សាត់ បានមួយចំណែកថែមទៀត។

បើតាមរដ្ឋបាលខេត្តពោធិ៍សាត់ គិតមកដល់ពេលនេះ ខេត្តពោធិ៍សាត់មានរោងចក្រ សហគ្រាស និងក្រុមហ៊ុនឯកជន ចំនួន៤១៤កន្លែង ព្រមទាំងបានផ្តល់ការងារ ជូនប្រជាពលរដ្ឋក្នុងខេត្ត និងក្រៅខេត្ត បានចំនួន១៥,៧៨១នាក់៕

- Video Advertisement -

ព័ត៌មានដែលទាក់ទង

ក្រសួងកសិកម្មសហការជាមួយសហគ្រិនចិន ជំរុញវិនិយោគអភិវឌ្ឍវិស័យកសិកម្ម និងកសិ-ឧស្សាហកម្មកម្ពុជា

​ក្រសួងកសិកម្ម និងសហគ្រិនចិន បានកំពុងរួមគ្នាជំរុញការវិន […]

កម្ពុជា-ជប៉ុន ចុះអនុស្សរណៈនៃការយោគយល់រួមគ្នាជំរុញកិច្ចសហប្រតិបត្តិការវិនិយោគទ្វេភាគី

ក្រុមប្រឹក្សាអភិវឌ្ឍន៍កម្ពុជា និងក្រសួងសេដ្ឋកិច្ច ពាណិជ […]

អន្តរក្រសួងបើកកិច្ចពិភាក្សាលើវិធានការគាំទ្រឧស្សាហកម្មផលិតស៊ីម៉ងត៍ក្នុងស្រុក

អន្តរក្រសួងនៃក្រុមការងារអភិវឌ្ឍវិស័យឯកជន កាលថ្ងៃទី ២ ខែ […]

អាមេរិកសម្រេចផ្តល់ថវិកា ១០០លានដុល្លារ គាំទ្រដល់ការអភិវឌ្ឍព្រលានយន្តហោះអន្តរជាតិតេជោ

ត្រូវ​បាន​អនុម័ត​ដោយ DFC មូលនិធិ​យុទ្ធសាស្ត្រ​នេះ​មាន​គ […]

ក្រុមហ៊ុនចិនចំនួ​នពីរសម្រេចបោះទុនវិនិយោគនៅក្នុងតំបន់សេដ្ឋកិច្ចមួយនៃខេត្តស្វាយរៀង​

ក្រុមហ៊ុនចំនួនពីរបានសន្យាបោះទុនវិនិយោគនៅក្នុងតំបន់សេដ្ឋ […]

អន្តរក្រសួងពិនិត្យសំណើសុំបង្កើតរោងចក្រផលិតអំបិល និងសិក្សាសក្តានុពលវិស័យអំបិលនៅកម្ពុជា

គណៈកម្មាធិការអន្តរក្រសួងដឹកនាំដោយក្រសួងសេដ្ឋកិច្ច និងហិ […]