វៀតណាមលុបចោលរោងចក្រចម្រាញ់ប្រេង ២ ម៉ឺនលានដុល្លារ

• Proeksa Meas
• 4 ខែ​តុលា 2016
• Uncategorized
• 258 មើល

មន្រ្តីរដ្ឋាភិបាលវៀតណាម នៅក្នុងខេត្ត Binh Dinh បានលុបចោល ផែនការសម្រាប់ រោងចក្រចម្រាញ់ប្រេង និងគីមីឥន្ធនៈ បន្ទាប់ពីអ្នកគ្រប់គ្រងកិច្ចសន្យាបានពន្យារពេល ៤ឆ្នាំ ។

ក្រុមហ៊ុន PTT របស់រដ្ឋថៃ ដែលសហការ ជាមួយក្រុមហ៊ុន Aramco របស់អារ៉ាប៊ីសាអូឌីត បានដាក់ពេលវេលាកំណត់ ក្នុងការកសាងគម្រោង Victory Nhon Hoi ក្រោយពេលដែលវាបាន ស្នើជាលើកដំបូងនៅឆ្នាំ ២០១២។ រោងចក្រដែល មានសមត្ថភាព ផលិតប្រេង ៤០ម៉ឺនធុង ក្នុងមួយថ្ងៃ បានផ្តល់ទិន្នផល ក្នុងមួយឆ្នាំ ៥លានតោន នៃផលិតផលចម្រាញ់។

ទោះបីជា យ៉ាងណាក៏ដោយ ក្រោយពេលដែលក្រុមហ៊ុន PTT បានប្រកាសថា ភាពមិន ច្បាស់លាស់ក្នុងទីផ្សារ ប្រេងពិភពលោកមានការពន្យារពេល យូរ គម្រោងនេះត្រូវបានបោះបង់ចោល។ លោក Nguyen Ngoc Toan អនុប្រធានតំបន់ សេដ្ឋកិច្ច Nhon Hoi របស់ខេត្ត Binh Dinh បានប្រាប់ភ្នាក់ងារ ព័ត៌មាន Reuters ថា “គម្រោងនេះត្រូវការពេលវេលា ច្រើនពេកដែលយើងមិនអាចអនុវត្តបាន»។