សង្កាត់ពាណិជ្ជកម្មថ្មីត្រូវបានគ្រោងឡើងសម្រាប់រាជធានី

• Proeksa Meas
• 5 ខែ​មេសា 2016
• ព័ត៌មានសំណង់
• 113 មើល

បើយោងតាមការបំពេញឯកសារមួយទៅកាន់ ASX ដោយក្រុមហ៊ុនអភិវឌ្ឍន៍ Kingsland Global Ltd មានកិច្ចព្រមព្រៀងមួយជាមួយក្រុមហ៊ុនបុត្រសម្ព័ន្ធរបស់ក្រុមហ៊ុន Shukaku ត្រូវបានចុះហត្ថលេខាដើម្បីអភិវឌ្ឍន៍អចលនទ្រព្យបិទជិតដំបូងគេនៅលើផ្ទៃដី ១០.០០០ម៉ែត្រការ៉េ​ នៅក្នុងសង្កាត់ពាណិជ្ជកម្មកណ្តាលនៃរាជធានីភ្នំពេញ។

កិច្ចព្រមព្រៀងនេះបានបើកផ្លូវសម្រាប់ក្រុមហ៊ុនសម្ព័ន្ធអាជីវកម្មខាងលើ ធ្វើគម្រោងអភិវឌ្ឍដែលមានការប្រើប្រាស់ចម្រុះមួយ រួមមានសណ្ឋាគារមួយ លំនៅដ្ឋាន ហាងលក់រាយ និងអគារការិយាល័យនេះបើយោងតាមការបំពេញសំណុំឯកសារ។

លោក Jeremiah Lee នាយកគ្រប់គ្រងក្រុមហ៊ុន Kingsland បានថ្លែងនៅក្នុងសេចក្តីជូនដំណឹងថា ប្លង់មេរបស់ក្រុមហ៊ុននឹងបង្ហាញទ្រង់ទ្រាយគម្រោងអភិវឌ្ឍលំដាប់ថ្នាក់ពិភពលោក ដែលយើងរំពឹងថានឹងក្លាយជាទីកន្លែងប្រវត្តិសាស្ត្រសម្រាប់ប្រជាជននៅរាជធានីភ្នំពេញ និងប្រជាជនកម្ពុជា។ ទោះបីជាមិនទាន់មានការបង្ហាញជាក់លាក់ក៏ដោយ ក៏ប៉ុន្តែមានការរំពឹងថា គម្រោងអភិវឌ្ឍនេះនឹងត្រូវធ្វើឡើងនៅបឹងកក់៕