សាលារាជធានីភ្នំពេញពិចារណាពីការសាងសង់ស្ពានឆ្លងកាត់ទន្លេសាប

• Proeksa Meas
• 6 ខែ​ធ្នូ 2016
• Uncategorized
• 98 មើល

សាលារាជធានីភ្នំពេញកំពុងពិចារណាអំពីផែនការសាងសង់ស្ពានឆ្លងកាត់ទន្លេសាបដើម្បីភ្ជាប់រាជធានីភ្នំពេញទៅនឹងទីក្រុងរណបជ្រោយចង្វារថ្មី ដែលត្រូវបានសាងសង់ដោយក្រុមហ៊ុនសាជីវកម្មវិនិយោគកម្ពុជាក្រៅប្រទេស (OCIC)។

បើទោះបីជាផែនការនាពេលបច្ចុប្បន្នបានបង្ហាញថាស្ពាននេះអាចតភ្ជាប់តំបន់គីឡូម៉ែត្រលេខ ៦ ដែលនៅខាងក្រៅរាជធានីភ្នំពេញទៅនឹងគម្រោងក្រុមហ៊ុន OCIC ក៏ដោយ តែនៅមិនទាន់មានសេចក្តីសម្រេចចុងក្រោយត្រូវបានធ្វើឡើង ហើយក៏មិនទាន់មានការប្រកាសអំពីពេលវេលា និងថវិកានៅឡើយដែរ។

មានការរំពឹងទុកថាក្រុមហ៊ុន OCIC នឹងផ្តល់មូលនិធិសម្រាប់ការសាងសង់ស្ពានថ្មីនេះ ទោះបីជាមិនទាន់ដឹងពីពេលវេលាចាប់ផ្តើមសាងសង់ក៏ដោយ។

អ្នកនាំពាក្យសាលារាជធានីភ្នំពេញលោក មាន ចាន់យ៉ាដា បានប្រាប់ភ្នំពេញប៉ុស្តិ៍ថា “ស្ពាននេះនឹងមានប្រវែងវែងដូចស្ពានជ្រោយចង្វារដែរ គឺប្រមាណជា ៧០០ ម៉ែត្រ។”