ស្ថានីយសូឡានៅបាត់ដំបងទទួលបានទុនបន្ថែម ៤៥លានដុល្លារ ខណៈការសាងសង់សម្រេចបាន៩០% ហើយ

• Samphors Sao
• 24 ខែ​ធ្នូ 2020
• ព័ត៌មានក្នុងស្រុក
• 154 មើល

ក្រុមហ៊ុនចិន Risen Energy កាលពីពេលថ្មីៗនេះ បានបោះទុនប្រមាណ ៤៥ លានដុល្លារ បន្ថែមទៀតទៅក្នុងគម្រោងរោងចក្រថាមពលពន្លឺព្រះអាទិត្យអានុភា ព៧៣ មេហ្គាវ៉ាត់ថ្មីមួយទៀតនៅខេត្តបាត់ដំបង ខណៈដែលការសាងសង់រោងចក្រនេះបានបញ្ចប់ជាង ៩០% ហើយ។

បើយោងតាមរបាយការណ៍របស់ក្រុមហ៊ុន ថវិកាបន្ថែមនេះគឺទទួលបានជាទម្រង់ឥណទានពីស្ថាប័នហិរញ្ញវត្ថុអឺរ៉ុប DEG និង ICCF ដែលនេះជាលើដំបូងដែលក្រុមហ៊ុនចិនទទួលបានហិរញ្ញប្បទានពីអឺរ៉ុប។

ក្រុមហ៊ុនបញ្ជាក់ទៀតថា ឥណទាននេះនឹងជួយឱ្យក្រុមហ៊ុនមានដើមទុនគ្រប់គ្រាន់សម្រាប់វិនិយោគថាមពលសូឡានៅកម្ពុជា និងបង្ហាញពីការបោះជំហានថ្មីក្នុងទីផ្សារកម្ពុជា ព្រមទាំងអាចពង្រីកខ្លួនទៅកាន់ទីផ្សារខាងក្រៅទៀតផង។

គួរបញ្ជាក់ផងដែរថា គម្រោងថាមពលសូឡារបស់ Risen Energy គឺជាគម្រោងមួយនៃគម្រោងថាមពលសូឡាចំនួន៤ ដែលរាជរដ្ឋាភិបាលកម្ពុជាបានអនុម័តកាលពីឆ្នាំ២០១៩កន្លងទៅនេះ។

ឯកឧត្តម វ៉ិចទ័រ ហ្សូណា អគ្គនាយកថាមពលនៃក្រសួងរ៉ែ និងថាមពល បានឱ្យដឹងកាលពីពេលថ្មីៗនេះថា ស្ថានីយថាមពលនេះ នឹងចាប់ផ្តើមបញ្ចេញថាមពល នៅដើមឆ្នាំក្រោយ ភ្ជាប់ចូលបណ្តាញជាតិ នៅក្រោមកិច្ចសន្យាទិញលក់ថាមពលជាមួយអគ្គិសនីកម្ពុជា ក្នុងតម្លៃ ៧,៦សេន (US$) ក្នុងមួយគីឡូវ៉ាតម៉ោង។

• Energy and Environment
• Projects Development