ស្ថាបត្យកម្មបោះពុម្ព 3D ផលិតផ្ទះទប់ទល់នឹងគ្រោះថ្នាក់រញ្ជួយដី

• Proeksa Meas
• 4 ខែ​តុលា 2016
• Uncategorized
• 88 មើល

ក្រុមហ៊ុនស្ថាបត្យកម្មចិនមួយ មានម៉ាស៊ីន 3D-Printed អាចបោះពុម្ពផលិតជាវីឡាសម្រាប់ប្រើប្រាស់នៅជនបទ ដែលអះអាងថា អាចទប់ទល់នឹងគ្រោះរញ្ជួយដីរហូតដល់កម្រិត ៨រ៉ិចទ័រ។

Huashang Tengda បានអភិវឌ្ឍម៉ាស៊ីន 3D Printer ថ្មីដ៏សំបើមមួយសម្រាប់វីឡា ២ជាន់ ដែលមានទំហំ ៤០០ ហ្វូតការ៉េ នៅក្នុងរយៈពេល ៤៥ថ្ងៃ។ រចនាសម្ព័ន្ធនេះបានប្រើបេតុង ២០តោន ដើម្បីបង្កើតជញ្ជាំងកម្រាស់ ២៥ សង់ទីម៉ែត្រ។ រញ្ជួយដីកម្រិត ៨.០ នឹងបង្កឲ្យមានការបំផ្លាញយ៉ាងធ្ងន់ធ្ងរ ដល់អគារដែលធន់នឹងរញ្ជួយដី ផងដែរ។ មានមនុស្សស្ទើរតែ ១០ម៉ឺននាក់បានស្លាប់នៅក្នុងការរញ្ជួយដីនៅប្រទេសចិន បើគិតតាំងពីឆ្នាំ ២០០៨មក។

វេបសាយ 3dprint.com បានដកស្រង់សម្តីក្រុមហ៊ុនដែលបាននិយាយថា ដោយសារតែល្បឿន របស់វា តម្លៃទាប ភាពសាមញ្ញ និងការប្រើប្រាស់វត្ថុធាតុដើមមិនប៉ះពាល់បរិស្ថាន បច្ចេកវិទ្យានេះ ជាទូទៅ អាចពង្រឹងគុណភាពនៃជីវិតមនុស្ស។