ហ្វីលីពីនហាមឃាត់កម្មករធ្វើដំណើរទៅកាន់ប្រទេសកាតា

• Proeksa Meas
• 27 ខែ​កក្កដា 2017
• ព័ត៌មានសំណង់
• 169 មើល

រដ្ឋាភិបាលហ្វីលីពីបានធ្វើការហាមឃាត់កម្មករចំពោះការធ្វើដំណើរទៅកាន់ប្រទេសកាតា បន្ទាប់ពីរដ្ឋជាប់ឈូងសមុទ្រជិតខាងនៃប្រទេសរបស់ខ្លួនចំនួនបួនបានបិទច្រកចេញចូលក្នុងការតវ៉ាពីបទចោទប្រកាន់ថាជាប់ទាក់ទងនឹងការផ្តល់ជំនួយដល់ក្រុមភេវរករកាលពីដើមខែមិថុនាកន្លងមកនេះ។

ពលករជនជាតិហ្វីលីពីនប្រមាណជាង ១៤០.០០០ នាក់បានតាំងទីលំនៅក្នុងប្រទសកាតា ដោយក្នុងនោះកម្មករជាច្រើននាក់កំពុងធ្វើការលើគម្រោងហេដ្ឋារចនាសម្ព័ន្ធ និងការសាងសង់ទីលានកីឡា FIFA World Cup សម្រាប់ឆ្នាំ២០២២។

រដ្ឋាភិបាលហ្វីលីពីនបានដាក់បម្រាមហាមឃាត់នេះដើម្បីទប់ស្កាត់ភាពភ័យខ្លាចចំពោះសុវត្ថិភាព និងសុខមាលភាពប្រជាជនរបស់ខ្លួន។ យ៉ាងណាមិញ ប្រទេសកាតាគ្មានការផលិតអាហារខ្លួនឯងឡើយ ហើយមានការភ័យព្រួយដែលថាការបិទច្រកចេញចូលនេះអាចបណ្តាលឲ្យខ្វះស្បៀងអហារ និងមានភាពចលាចល។

លោក Silvestre Bello បានប្រាប់នៅក្នុងសន្និសីទសារពត៌មានមួយនៅក្នុងទីក្រុងម៉ានីលថា៖ “ប្រសិនបើមានរឿងអ្វីមួយកើតឡើងនោះ ពលករដែបម្រើការងារក្នុងប្រទេស (Quata) នឹងក្លាយជាជនរងគ្រោះមុនគេ”។