អគារខ្ពស់ជាងគេទី ៥ របស់ពិភពលោកបើកសម្ពោធនៅទីក្រុងសេអ៊ូល

• Proeksa Meas
• 14 ខែ​មិថុនា 2017
• ព័ត៌មានសំណង់
• 254 មើល

អគារខ្ពស់ជាងគេទី៥ របស់ពិភពលោក និងជាអគារខ្ពស់ជាងគេបំផុតនៅកូរ៉េខាងត្បូងបានបញ្ចប់ការសាងសង់រួចរាល់ ដោយមានកម្ពស់ ៥៥៥ម៉ែត្រ និងមានឈ្មោះថា Lotte World Tower កំពុងបង្ហាញខ្លួននៅក្នុងទីក្រុងសេអ៊ូល។

អគារនេះត្រូវបានរចនាឡើងដោយស្ថាបត្យករអាមេរិកឈ្មោះ Kohn Pedersen Fox (KPF)។ អគារខ្ពស់ដ៏អស្ចារ្យនេះបានរុញឲ្យអគារ Petronas Twin ដែលមានកម្ពស់ ៤៥២ម៉ែត្រ នៅទីក្រុងគូឡាឡាំពួរ ត្រូវធ្លាក់ចេញពីតារាងអគារខ្ពស់បំផុតទាំង១០ របស់ពិភពលោក ។

អគារ Lotte World Tower នេះនឹងមានសណ្ឋាគារលំដាប់ផ្កាយប្រាំពីរ អាងហែលទឹកខ្ពស់បំផុតលើពិភពលោក ជណ្តើរយន្តដែលលឿនបំផុតលើពិភពលោក និងជាកន្លែងដែលមានកម្រាលធ្វើពីកញ្ចក់ខ្ពស់បំផុតលើពិភពលោក ព្រមទាំងកន្លែងប្រគុំតន្ត្រីនៅជាន់ដំបូលដែលអាចផ្ទុកមនុស្សបាន ២០០០នាក់ផងដែរ។

ផ្នែកមួយនៃកិត្យានុភាពរបស់អគារនេះគឺការទទួលស្គាល់គុណភាព LEED Gold ដោយសារតែលក្ខណៈពិសេសនៃការរចនាប្រកបដោយនិរន្តរភាពរបស់អគារដែលរួមបញ្ចូលនូវបន្ទះ photovoltaic ទួរប៊ីនខ្យល់ និងប្រព័ន្ធប្រមូលទឹក។