អគារ HCMC Ghost Tower ចាប់ដំណើរសាងសង់បន្ត

• Proeksa Meas
• 13 ខែ​វិច្ឆិកា 2017
• ព័ត៌មានសំណង់
• 211 មើល

គម្រោងសំណង់អគារសាងសង់មិនរួចរាល់នៅទីក្រុងហូជីមិញ ដែលគេដឹងឮគ្រប់គ្នានោះ ពេលនេះត្រូវបានរឹបអូសយកដោយម្ចាស់បំណុលដោយមានការអះអាងថា អ្នកវិនិយោគបានជំពាក់បំណុលជាង ៣០០លានដុល្លារ។

អគារ Saigon One Tower នៅតំបន់ District One របស់ទីក្រុងនេះ បានឈរទទេចាប់តាំងពីឆ្នាំ២០១១ បន្ទាប់ពីការធ្លាក់ចុះទីផ្សារអចលនទ្រព្យក្នុងស្រុក។ ការសាងសង់អគារដែលគេបានស្គាល់ថា “អគារខ្មោច Ghost Tower” បានចាប់ផ្តើមនៅក្នុងឆ្នាំ២០០៧ ដោយមានកម្ពស់ ១៩៥ម៉ែត្រ ចំនួន ៤១ជាន់ និងត្រូវបញ្ចប់នៅឆ្នាំ ២០១២។

បន្ទាប់ពីការពន្យារពេលប្រាំឆ្នាំកន្លះ ក្រុមហ៊ុនអភិវឌ្ឍន៍អចលនទ្រព្យក្នុងស្រុក Alpha King Real Estate បានចាប់ផ្តើមឡើងវិញនៅខែមេសា ឆ្នាំ២០១៧។

តែយ៉ាងណាក៏ដោយ ក្រុមហ៊ុនភាគហ៊ុនឯកជន Vietnam Asset Management Company បានរឹបអូសអចលនទ្រព្យនេះនៅក្នុងខែកញ្ញា ដោយសារតែការខកខានបង់ប្រាក់ និងកង្វះផែនការច្បាស់លាស់ដើម្បីបញ្ចប់គម្រោង។