អគារ Manila បន្តការសាងសង់ បន្ទាប់ពីក្តីសម្រេចរបស់តុលាការ

• Proeksa Meas
• 25 ខែ​កក្កដា 2017
• ព័ត៌មានសំណង់
• 150 មើល

ការសាងសង់អគារខុនដូដ៏ចម្រូងចម្រាស់មួយដែស្ថិតនៅខាងក្រោយវិមានឯករាជ្យជាតិ Matyr នៃទីក្រុងម៉ានីលប្រទេសហ្វីលីពីន អាចចាប់ផ្តើមបន្តការសាងសង់ឡើងវិញ បន្ទាប់ពីក្តីសម្រេចរបស់តុលាការកំពូល។

គម្រោងសាងសង់អគារខុនដូ Torre de Manila កម្ពស់ ៤៩ជាន់ ត្រូវបានគេស្គាល់ថាជាអគារដែលឈរបាំងនៅខាងក្រោយវិមានឯករាជជាតិ (National photobom) ហើយអគារខុនដូនេះត្រូវបានផ្អាកក្នុងការសាងសង់កាលពីអំឡុងខែមិថុនា ឆ្នំា២០១៥ ដោយសារតែការបំពានច្បាប់សាងសង់។

តុលាការកំពូលបានយល់ព្រមសេចក្តីសម្រេចនោះដោយឆ្លងកាត់ការបោះឆ្នោតក្នុងការយល់ព្រម នៃចំណោមមនុស្ស៩ នាក់ ដោយមាន៦ ជាអ្នកគាំទ្រឲ្យបន្តការអភិវឌ្ឍន៍នៃអគារខុននេះ ដោយក្រុមហ៊ុន DCMI Homes។ ក្រុមហ៊ុនអភិវឌ្ឍ DCMI គ្រប់គ្រងដោយលោក David Consunji ជាអ្នកជំនួញអចលនទ្រព្យវ័យ ៩៥ឆ្នាំ ហើយលោកក៏ជាអ្នកមានជាងគេបំផុតឈរលេខរៀងទី៦ នៅក្នុងប្រទេសហ្វីលីពីន ដែលមានទ្រព្យសម្បត្តិសរុប ៣.៦ប៊ីលានដុល្លារអាមេរិក។

ក្រុមហ៊ុនអភិវឌ្ឍអគារខុនដូនេះ បាននិយាយថាខ្លួននឹងផ្តល់ការប្រឹក្សាដល់អ្នកតាំងលំនៅដ្ឋាននាពេលអនាគត និងអតិថិជនរបស់ខ្លួនឲ្យពិនិត្យមើលលើការសាងសង់បច្ចេកវិទ្យាបែបទាន់សម័យ៕