អចលនទ្រព្យពាណិជ្ជកម្មនៅអាស៊ីកើនឡើងនូវភាគរយក្នុងអចលនទ្រព្យពិភពលោក

• Proeksa Meas
• 15 ខែ​មករា 2018
• ព័ត៌មានសំណង់
• 161 មើល

ការសិក្សាថ្មីមួយរបស់ក្រុមហ៊ុន CBRE បានបង្ហាញពីកំណើនអចលនទ្រព្យពាណិជ្ជកម្មនៅអាស៊ីជាភាគរយនៃការផ្គត់ផ្គង់នៅក្នុងសកលលោក ដែលក្នុងនោះទីក្រុងតូក្យូតំណាងឱ្យទីផ្សារមួយដែលធំជាងគេរបស់ពិភពលោក។

ទីក្រុងតូក្យូ ប្រទេសជប៉ុន ស្ថិតនៅលើកំពូលបញ្ជីតារាង ដោយក្នុងទីក្រុងនេះតម្លៃសរុបនៃអចលនទ្រព្យអាចវិនិយោគបានមានចំនួន ៧១១ប៊ីលានដុល្លារ បន្ទាប់មកគឺទីក្រុងញូវយ៉ក (៦៥៧ប៊ីលានដុល្លារ) និងទីក្រុង Los Angeles (៤៨២ប៊ីលានដុល្លារ)។ សហរដ្ឋអាមេរិកស្ថិតនៅលើកំពូលបញ្ជីតារាងប្រទេស ដោយសារថាទីក្រុងសំខាន់ៗរបស់ប្រទេសនេះមានភាពល្អខាងវិស័យនេះ។

ទីក្រុងកំពូលៗទាំង១០នៅលើពិភពលោកស្មើនឹងប្រមាណ ៤.០ទ្រីលានដុល្លារ ឬ ១៥%នៃអចលនទ្រព្យដែលអាចវិនិយោគបានលើពិភពលោក។

ទន្ទឹមនឹងនេះដែរ ទីក្រុងធំៗចំនួន៥ នៅតំបន់អាស៊ីប៉ាស៊ីហ្វិក (ទីក្រុងតូក្យូ ទីក្រុងសេអ៊ូល ទីក្រុងអូសាកា ទីក្រុងស៊ីដនី និងទីក្រុងមែលប៊ន) ស្មើនឹង ១.៥ទី្រលានដុល្លារ។ ទោះជាយ៉ាងណា ការសិក្សានេះមិនអាចរួមបញ្ចូលទិន្នន័យដែលមិនអាចរកបានសម្រាប់ទីក្រុងទាំងអស់នៅក្នុងតំបន់រួមទាំងប្រទេសចិនផង។