អាកាសយានដ្ឋានថ្មីតម្លៃ ១៥០០ លានដុល្លារ នឹងលេចរូបរាងលើទឹកដីតាខ្មៅ

• Proeksa Meas
• 1 ខែ​មករា 2017
• Uncategorized
• 225 មើល

ឆាប់ៗខាងមុខនេះ កម្ពុជានឹងមានអាកាស​យាន្តដ្ឋានអន្តរជាតិថ្មីមួយទៀតហើយ​ ដែលលេចរូបរាងឡើងនៅក្រុងតាខ្មៅ ស្រុកកណ្តាលស្ទឹង ខេត្តកណ្តាលស្ទឹង ខេត្តកណ្តាល ដោយគ្រោងនឹង​សាងសង់លើទំហំផ្ទៃដី ២.៦០០ ហិកតា ហើយនឹងចាយទុនវិនិយោគសរុប ១.៥០០ លានដុល្លារអាមេរិក។​ នេះបើយោង​តាមលិខិតមួយរបស់ទីស្តីការគណៈរដ្ឋមន្រ្តីចេញផ្សាយកាលពីពេលថ្មីៗកន្លងទៅនេះ។​

អ្នកឧកញ៉ា ពុង ឃាវសែ ​ប្រធាន​សមាគម​វិនិយោគ​អនិកជន​នៅ​កម្ពុជា (OCIC)​ ​បានចុះ​កិច្ចព្រម​ព្រៀង​ក្របខណ្ឌ​ ស្ដីពី​កិច្ច​សហ​ប្រតិបត្តិការ​ហិរញ្ញ​ប្បទាន​សម្រាប់​គម្រោង​អាកាស​យានដ្ឋាន​ភ្នំពេញ (ថ្មី)​ ប្រទេស​កម្ពុជា​ កាលពីព្រឹកថ្ងៃទី១១ ម្សិលមិញនេះ។ កិច្ចព្រមព្រៀងនេះបានធ្វើឡើងក្នុងជំនួបទ្វេភាគីរវាង​សម្តេចតេជោ ហ៊ុន សែន និងនាយករដ្ឋមន្រ្តីចិនលោក​ លី កឺឈាំង នៅឯវិមានសន្តិភាព។

លិខិតចំហរបស់ទីស្តីការគណរដ្ឋមន្រ្តីនេះ បានបង្ហាញពីគោលការណ៍អនុញ្ញាត បង្កើតក្រុមហ៊ុន មួយឈ្មោះថា​ “ខេមបូឌា អ៊ែរផត អ៊ិនវេសមិន ខូអិលធីឌី (Cambodia Airport Investment Co., Ltd.) ដើម្បីអភិវឌ្ឍន៍សាងសង់អាកាសយាន្តដ្ឋានអន្តរជាតិលំដាប់ថ្នាក់ 4F នៅលើទឹកដីក្រុងតាខ្មៅនេះ។​​ លិខិតដដែល បានលាតត្រដាងពីទុនវិនិយោគសរុបចំនួន ១.៥០០ លានដុល្លារអាមេរិក ក្នុងការសាងសង់អកាសយាន្តដ្ឋានថ្មីលំដាប់4Fនេះ ហើយទុនវិនិយោគសរុបខ្ទង់ពាន់លានដុល្លារនេះបានមកពី កម្ចីធនាគារបទេស​ ១.១០០​ លានដុល្លារអាមេរិក កម្ចីភាគទុនក្រុមហ៊ុន OCIC ២៨០​ លានដុល្លារអាមេរិក និងដើមទុនចុះបញ្ជី ១២០ លានដុល្លារអាមេរិក​ ពោលគឺក្រុមហ៊ុន OCIC របស់អ្នកឧកញ៉ា ពុង ឃាវសែ មាន ៩០ ភាគរយ និង​រដ្ឋលេខាធិការដ្ឋានអាកាសចរណ៍ស៊ីវិលតំណារាជរដ្ឋាភិបាលកម្ពុជាមាន ១០ភាគរយ។ យ៉ាង​ណាក៏ដោយចុះ កាលបរិច្ចេទក្នុងការបើកការដ្ឋានសាងសង់អាកាសយាន្តដ្ឋានថ្មីក្នុងទឹកដីភាគខាងត្បូងនៃរាជធានីភ្នំពេញនេះ មិនទាន់មានការប្រកាសជាផ្លូវការនៅឡើយនោះទេ។​ លោក ទូច សំណាង អគ្គនាយករង ក្រុមហ៊ុន OICC បានស្នើសុំបដិសេធមិនធ្វើការអត្ថាធិបាយ ដោយរូបលោកមិនទាន់មានពត៌មានច្បាស់លាស់នៃការអភិវឌ្ឍន៍គម្រោងអកាសយាន្តដ្ឋានថ្មីនេះទេ។