អាស៊ានត្រូវការ ២ ទ្រីលានដុល្លារសម្រាប់ហេដ្ឋារចនាសម្ព័ន្ធមុនឆ្នាំ ២០៣០

• Proeksa Meas
• 4 ខែ​តុលា 2016
• Uncategorized
• 70 មើល

យោងទៅតាមធនាគារ HSBC បានឲ្យដឹងថា បណ្តាប្រទេសសេដ្ឋកិច្ចនាំមុខនៅអាស៊ាន ទាំង៦នឹងត្រូវចំណាយថវិកាប្រមាណជា ២.១ ទ្រីលានដុល្លារក្នុងការកសាងហេដ្ឋារចនាសម្ព័ន្ធ នៅមុនឆ្នាំ ២០៣០ ដើម្បីឆ្លើយតបទៅនឹងកំណើនប្រជាជនទីក្រុង។

ឥណ្ឌូនេស៊ី ម៉ាឡេស៊ី ហ្វីលីពីន សិង្ហបុរី ថៃ និងវៀតណាម ត្រូវបានកត់សម្គាល់ថា ជាប្រទេសនៃអាស៊ានដែលមានតម្រូវការខ្ពស់ក្នុងទំនើបកម្មនៃបណ្តាញថាមពល និងដឹកជញ្ជូនរបស់ពួកគេ ដើម្បីឆ្លើយតបទៅនឹងនគរូបនីយកម្មដែលរហ័ស និងកំណើនប្រជាជនប្រមាណច្រើនជាង ៩០លាននាក់។នៅក្នុងរបាយការណ៍ អ្នកជំនាញសេដ្ឋកិច្ច Joseph Incalcaterra បាននិយាយថា និន្នាការបច្ចុប្បន្ននឹងគ្របដណ្តប់តែ ៩១០ ពាន់លានដុល្លារប៉ុណ្ណោះ ដូច្នេះហើយការផ្តល់ហិរញ្ញប្បទានពីវិស័យឯកជន ពិតជាត្រូវការជាចាំបាច់ជាមួយនឹងប្រាក់កម្ចី។

លោក Incalcaterra បានប្រាប់កាសែត Manila Times ថា ភាគហ៊ុនមិនអាចលើស នេះបានទេ។ បរាជ័យក្នុងការធានាស្ថិរភាពនៃការចំនាយលើហេដ្ឋារចនាសម្ព័ន្ធ នឹងកំណត់កំណើន សក្តានុពលរយៈពេលវែងហើយធ្វើឲ្យថយចុះផលចំណេញប្រជាសាស្រ្តរបស់អាស៊ានថែមទៀតផង។