អ្នកវិទ្យាសាស្ដ្ររកឃើញបច្ចេកវិទ្យាថ្មីច្នៃកន្ទបប្រឡាក់របស់ទារកឱ្យក្លាយជាបេតុង

• Sommana Yan
• 27 ខែ​ឧសភា 2023
• ព័ត៌មានក្នុងស្រុក
• 318 មើល

ក្រុមអ្នកស្រាវជ្រាវមកពីសាកលវិទ្យាល័យ Kitakyushu នៃប្រទេសជប៉ុនរកឃើញថា កន្ទប ឬខោទឹកនោមរបស់ទារកដែលប្រើរួចអាចយកទៅកែច្នៃជាបេតុង ដោយប្រើជំនួសខ្សាច់នៅក្នុងល្បាយបាយអ សម្រាប់ធ្វើបេតុងក្នុងសំណង់ផ្សេងៗបាន។

កន្ទបទាំងនោះនឹងត្រូវសម្ងួត ហើយហាន់ជាបន្ទះៗ បន្ទាប់មកគេយកទៅផ្សំជាមួយស៊ីម៉ងត៍ ខ្សាច់ ក្រួស និងទឹក ឱ្យក្លាយជាល្បាយដែលត្រូវបានគេហៅថា ល្បាយបាយអសម្រាប់ចាក់បេតុង ក្នុងការដ្ឋានសំណង់ផ្សេងៗ ។

នៅក្នុងមន្ទីរពិសោធន៍ គេបានធ្វើគំរូពិសោធន៍ចំនួន៦ផ្សេងៗគ្នានៃកាកសំណល់កន្ទបត្រូវបានធ្វើតេស្តដើម្បីវាស់បរិមាណសម្ពាធនៃល្បាយ លទ្ធផលនីមួយៗគឺអាចទទួលយកបាន។

លទ្ធផលទាំងនោះបានបង្ហាញថា កន្ទបដែលប្រើរួចគឺអាចប្រើជំនួសខ្សាច់បាន ១០% ក្នុងល្បាយបាយអ ដើម្បីសាងសង់សសរ និងធ្នឹមផ្ទះបីជាន់។ សម្រាប់ផ្ទះត្រឹមមួយជាន់វិញ  កន្ទបអាចប្រើជំនួសដីខ្សាច់បានដល់ទៅ ២៧% ។

លើសពីនេះ បើប្រើក្នុងជញ្ជាំងបេតុងវិញ កន្ទបអាចប្រើជំនួសខ្សាច់បានដល់ទៅ ៤០% ឯណោះ។

បច្ចេកវិទ្យាថ្មីនេះ នឹងជួយកាត់បន្ថយចំណាយលើខ្សាច់ ក្នុងសំណង់នានា ដែលនាំឱ្យប៉ះពាល់ដល់បរិស្ថានខ្លាំង  ខណៈក៏ជួយកាត់បន្ថយកាកសំណល់កន្ទបទារកផងដែរ។

• Technology & Engineering