ឥណ្ឌូនេស៊ីដាក់ដេញថ្លៃសាងសង់កំពង់ផែ Patimban ដែលមានតម្លៃ ១ប៊ីលានដុល្លារ

• Proeksa Meas
• 15 ខែ​មករា 2018
• ព័ត៌មានសំណង់
• 124 មើល

រដ្ឋាភិបាលឥណ្ឌូនេស៊ីបានបើកការដេញថ្លៃសាងសង់កំពង់ផែ Patimban ដែលមានតម្លៃ ១ប៊ីលានដុល្លារ នៅ Subang ខេត្ត West Java កោះ Java កាលពីខែតុលា។

គម្រោងនេះបានទទួលមូលនិធិប្រាក់កម្ចីពីប្រទេសជប៉ុនតាមរយៈទីភ្នាក់ងារសហប្រតិបត្តិការអន្តរជាតិជប៉ុន (JICA) ហើយគម្រោងនេះនឹងធ្វើឲ្យប្រសើរឡើងនូវហេដ្ឋារចនាសម្ព័ន្ធដឹកជញ្ជូននៅតំបន់រដ្ឋធានីហ្សាកាតា។

យោងតាមកាសែត Jakarta Post ការដេញថ្លៃគឺសម្រាប់ការងារចំនួនបីដាច់ដោយឡែកពីគ្នាគឺ ស្ថានីយ ច្រាំងការពាររលក និងជញ្ជាំងសមុទ្រ និងការតភ្ជាប់ច្រាំង ដែលការដេញថ្លៃមានបំណងផ្តល់ការងារតែមួយប៉ុណ្ណោះសម្រាប់ក្រុមហ៊ុនមួយ។ ការដេញថ្លៃបន្ថែមនឹងត្រូវធ្វើឡើងដើម្បីគ្រប់គ្រងកំពង់ផែដែលសាងសង់រួចរាល់។

ការសាងសង់គម្រោងនេះត្រូវបានរំពឹងថានឹងបញ្ចប់នៅខែធ្នូ ឆ្នាំ២០១៩។