២០២៣ សេដ្ឋកិច្ចកម្ពុជាមានកំណើនក្នុងរង្វង់ ៥,៦ភាគរយ ទាបជាងការរំពឹងបន្តិច

• Sommana Yan
• 25 ខែ​មករា 2023
• Uncategorized @km
• 170 មើល

សេដ្ឋកិច្ចកម្ពុជា រំពឹងជាថានឹងសម្រេចបាន កំណើនវិជ្ជមានក្នុងរង្វង់ ៥,៦ភាគរយ ប៉ុន្តែសម្ទុះកំណើននេះមានការថមថយជាងការរំពឹងទុកបន្តិច។

ក្រសួងសេដ្ឋកិច្ច និងហិរញ្ញវត្ថុ បានបង្ហាញតួលេខកំណើនសេដ្ឋកិច្ចកម្ពុជា ក្នុងវេទិកាសាធារណៈ ស្តីពី “ការគ្រប់គ្រងម៉ាក្រូសេដ្ឋកិច្ច និងច្បាប់ថវិកា ឆ្នាំ២០២៣”  នៅព្រឹកថ្ងៃទី២៥ ខែមករា។

ក្រសួងបញ្ជាក់ថា វិស័យសំខាន់ៗគាំទ្រកំណើនសេដ្ឋកិច្ច មានដូចជា វិស័យកម្មន្តសាល វិស័យកសិកម្ម និងវិស័យទេសចរណ៍។

ក្រសួងរម្លឹកទៀតថា វិស័យសំណង់ និងអចលនទ្រព្យ រំពឹងថានឹងបន្តកើនឡើង ប៉ុន្តែក្នុងល្បឿនយឺតក្នុងរង្វង់ ១,១ ភាគរយ និង១,២ភាគរយ​ រៀងគ្នា ដោយសារការរំពឹងទុកនូវការងើបឡើងវិញយឺតនៃរំហូរវិនិយោគទុនពីបរទេស ខណៈវិស័យនេះរំពឹងថានឹងបន្តទ្រទ្រង់ដោយការវិនិយោគ និងតម្រូវការក្នុងស្រុក (ផ្នែកលំនៅឋាន) និងនិន្នាការនៃសកម្មភាពសំណង់បម្រើឱ្យឧស្សាហកម្ម និងសេវាកម្មក្នុងស្រុក។

សម្រាប់ឆ្នាំ២០២២ សេដ្ឋកិច្ចកម្ពុជា ត្រូវបានវាយតម្លៃថានឹងសម្រេចបានអត្រាកំណើនក្នុងរង្វង់ ៥,២​ ភាគរយ ក្នុងឆ្នាំ២០២២។