ឆ្នាំ២០២៥៖ ក្រសួងបរិស្ថាន បង្ក្រាបបទល្មើសធនធានធម្មជាតិបានជាង ២ពាន់ករណី ថយចុះ១៥%

ការល្បាតរបស់មន្ត្រីឧទ្យានជាតិដែលបានពង្រឹង និងបច្ចេកវិទ្យាត្រួតពិនិត្យទំនើបៗ បានជំរុញឱ្យមានការធ្លាក់ចុះដប់ប្រាំភាគរយនៃការរំលោភបំពាននៅទូទាំងប្រទេស។

នៅក្នុងឆ្នាំ២០២៥  មន្ត្រីឧទ្យានុរក្សបានចុះល្បាតជាប្រចាំក្នុងដែនសមត្ថកិច្ចរបស់ខ្លួនបានចំនួន ១៦.២៦១លើក ដោយបានបង្ក្រាបបទល្មើសធនធានធម្មជាតិបានចំនួន ២.១៥២ករណី ដែលថយចុះ១៥% បើធៀបទៅនឹងឆ្នំា២០២៤។

ក្រសួងបរិស្ថាន កាលពីថ្ងៃទី៦ ខែមករា ឆ្នាំ២០២៦ បានឱ្យដឹងថា នៅក្នុងឆ្នាំ២០២៥ បានបង្ក្រាបបទល្មើសធនធានធម្មជាតិបានចំនួន ២.១៥២ករណី មានជាអាទ៍ បទល្មើសព្រៃឈើចំនួន ៧៥១ករណី បទល្មើសសត្វព្រៃចំនួន ៧៣៧ករណី បទល្មើសកាប់រុករានទន្រ្ទានដីរដ្ឋចំនួន ៣៣៤ករណី បទល្មើសនេសាទចំនួន ៣២២ករណី និងបទល្មើសធនធានរ៉ែចំនួន ១៥ករណី។ ជាមួយគ្នានេះ មន្រ្តីនគរបាលតយុត្តិធម៌ នៃក្រសួងបរិស្ថាន បានកសាងសំណុំរឿងបញ្ជូនទៅតុលាការចំនួន ១៣៣ករណី និងបញ្ជូនជនស្ស័យទៅតុលាការ ចំនួន ៩៥នាក់។

បើតាមអ្នកនាំពាក្យក្រសួងបរិស្ថាន ឯកឧត្តម ខ្វៃ អាទិត្យា បានឱ្យដឹងថា ក្នុងឆ្នាំ២០២៥ សកម្មភាពល្បាតកើនឡើងចំនួន ១.៨៥៥លើក និងករណីបង្ក្រាបបទល្មើសធនធានធម្មជាតិថយចុះចំនួន ៣៩៣ករណី បើធៀបនឹងឆ្នាំ២០២៤។ ក្នុងឆ្នាំ២០២៤ មន្ត្រីឧទ្យានុរក្ស បានចុះល្បាតជាប្រចាំក្នុងដែនសមត្ថកិច្ចរបស់ខ្លួនបានចំនួន ១៤.៤០៦លើក ដោយបានបង្ក្រាបបទល្មើសធនធានធម្មជាតិបានរហូតទៅដល់ចំនួន ២.៥៤៥ករណី៕

 

- Video Advertisement -

ព័ត៌មានដែលទាក់ទង

កម្ពុជា​បញ្ជា​ទិញ​ឡបច្ចេកទេស​​ដុត​សំណល់​វេជ្ជសាស្ត្រ និង​​ប្លាស្ទិក​គ្មាន​ផ្សែងជា​ច្រើនគ្រឿងពី​​ជប៉ុន

នាពេលខាងមុខនេះ កម្ពុជានឹងអាច​មាន​ឡ​ដុតសំណល់​វេជ្ជសាស្រ្ […]

កម្ពុជា-ហុងកុង ប្តេជ្ញារួមគ្នាពង្រឹងកិច្ចសហការធនធានទឹក និងឧតុនិយមបន្ថែមទៀត

ក្រសួងធនធានទឹក និងឧតុនិយម និងទីភ្នាក់ងារសង្កេតឧតុនិយមជា […]

ទីក្រុងនិងស្រុករបស់កម្ពុជាចំនួន៥ ជាប់ជាទីក្រុងដែលមាននិរន្តរភាពបរិស្ថានប្រចាំអាស៊ាន ឆ្នាំ២០២៥

ទីក្រុងចំនួន៣ និងស្រុកចំនួន២ របស់កម្ពុជា បានទទួលពានរង្វ […]

ចិន ចង់វិនិយោគក្នុងវិស័យឧស្សាហកម្មឈើដាំ និងវិស័យកម្មន្តសាលវាយន្តសាលនៅកម្ពុជា

គណៈប្រតិភូវិនិយោគិនចិន មកពីទីក្រុងប៉េកាំង និងខេត្តអានហួ […]

រយៈពេល ៧ខែនេះ រដ្ឋាភិបាលកម្ពុជា ទប់ស្កាត់ការបញ្ចេញសំណល់ពុលរាវបាន ១០លានម៉ែត្រគូប

យ៉ាងហោចណាស់សំណល់រាវពីរោងចក្រ សហគ្រាស និងក្រុមហ៊ុនានា រហ […]