កម្ពុជា-ចិន ចុះ MoU ប្តូរបទពិសោធន៍ក្នុងវិស័យដឹកជញ្ជូន ព័ស្តុភារកម្ម និងការងារពិសោធន៍សំណង់

Proeksa Meas
1 ខែតុលា 2026
ព័ត៌មានសំណង់
221 មើល

ក្រសួងសាធារណការកម្ពុជានិងក្រសួងដឹកជញ្ជូនចិន ចុះអនុស្សរណៈនៃការយោគយល់គ្នា (MoU)ស្តីពីកិច្ចសហប្រតិបត្តិការលើការកសាងសមត្ថភាពក្នុងវិស័យដឹកជញ្ជូន សំដៅរួមគ្នាប្តូរបទពិសោធន៍បច្ចេកវិទ្យាថ្មីៗពាក់ព័ន្ធនឹងវិស័យដឹកជញ្ជូន ព័ស្តុភារកម្ម និងការងារពិសោធន៍សំណង់សាធារណការជាដើម។

MoU នេះ បានធ្វើឡើងនៅក្នុងកិច្ចប្រជុំទ្វេភាគីរវាងរដ្ឋមន្ត្រីក្រសួងសាធារណការកម្ពុជា-ចិន កាលថ្ងៃទី២១ ខែកញ្ញា ឆ្នាំ២០២៦ នៅប្រទេសចិនក្រោមវត្តមានឯកឧត្តម ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន បានជួបប្រជុំទ្វេភាគី ជាមួយឯកឧត្តម LIU Wei រដ្ឋមន្ត្រីក្រសួងដឹកជញ្ជូន នៃសាធារណរដ្ឋប្រជាមានិតចិន ដោយមានការចូលរួមពីថ្នាក់ដឹកនាំពាក់ព័ន្ធ នៃក្រសួងទាំងពីរ។

MoU រវាងភាគីទាំងពីរ គឺមានគោលបំណងសំខាន់គឺជំរុញកិច្ចសហប្រតិបត្តិការលើការកសាងសមត្ថភាពក្នុងវិស័យដឹកជញ្ជូន តាមរយៈបន្តជំរុញ និងពង្រឹងកិច្ចសហប្រតិបត្តិការរវាងក្រសួងទាំងពីរលើ ការកសាងសមត្ថភាព និងផ្លាស់ប្តូរបទពិសោធន៍ ចំណេះដឹង និងបច្ចេកវិទ្យាថ្មីៗពាក់ព័ន្ធនឹងវិស័យដឹកជញ្ជូន ព័ស្តុភារកម្ម និងការងារពិសោធន៍សំណង់សាធារណការជាដើម៕ (អានបន្ថែម)