Capitaland សម្លឹងឆ្ពោះទៅអនាគត់ជាមួយ Alibaba និង Lazada

• Proeksa Meas
• 13 ខែ​វិច្ឆិកា 2017
• ព័ត៌មានសំណង់
• 314 មើល

ក្រុមហ៊ុនអចលនទ្រព្យសឹង្ហបុរីឈានមុខគេ CapitaLand កំពុងធ្វើកិច្ចព្រមព្រៀងជាមួយក្រុមហ៊ុនពាណិជ្ជកម្មតាមអេឡិចត្រូនិក (e-commerce) ធំៗចំនួនពីរនៅក្នុងវិស័យអចលនទ្រព្យ។ ក្រុមហ៊ុន Capitaland បានចុះកិច្ចព្រមព្រៀងក្នុងការគ្រប់គ្រងអគារ Shanghai Centre របស់ក្រុមហ៊ុន Alibaba ដែលមានអគារការិយាល័យចំនួន៤ និងវេទិកាលក់រាយមួយ ព្រមទាំងក្រុមហ៊ុន Lazada ដើម្បីបើកដំណើរការផ្សារអនឡាញមួយ។

ក្រុមហ៊ុន CapitaLand និងក្រុមហ៊ុន Alibaba Group កំពុងសម្លឹងមើលការរួមបញ្ចូលការលក់រាយរបស់ពួកគេជាមួយនឹងបណ្តាញលក់តាមអ៊ិនធឺណេត និងក្រៅអ៊ិនធឺណេត (O&O) នៅក្នុងប្រទេសចិន ខណៈពេលដែលក្រុមហ៊ុន CapitaLand កំពុងសហការជាមួយក្រុមហ៊ុន Lazada Group នៅប្រទេសសិង្ហបុរី ដែលជាការួបរួមគ្នាមួយដើម្បីសដាក់ដំណើរការផ្សារអនឡាញសម្រាប់ម្ចាស់អចលនទ្រព្យលក់រាយដើម្បីភ្ជាប់ទំនាក់ទំនងពីអ្នកលក់រាយទៅនឹងអ្នកទិញទាំងនៅតាមអ៊ិនធឺណេត និងក្រៅអ៊ិនធឺណេត។

Alibaba Shanghai Center នឹងមានការលក់រាយពីកម្រិតមធ្យមទៅកម្រិតខ្ពស់ និងលំនៅឋានជាមួយក្រុមហ៊ុន Capitaland និង Alibaba ដោយប្រើប្រាស់កិច្ចសហប្រតិបត្តិការពាណិជ្ជកម្មតាមអេឡិចត្រូនិចរបស់ខ្លួនដើម្បីឲ្យទីកន្លែងនេះមានភាពល្បីល្បាញ និងមានអតិថិជន។