រោងចក្រផលិតអាហារ និងភេសជ្ជៈរបស់ក្រុមហ៊ុនកូនខ្មែរ តម្លៃជាង២៥០លានដុល្លារ សាងសង់ជាផ្លូវការ

Proeksa Meas
8 ខែសីហា 2026
ព័ត៌មានសំណង់
603 មើល

រោងចក្រផលិតអាហារ និងភេសជ្ជៈរបស់ក្រុមហ៊ុនកូនខ្មែរ ជីប ម៉ុង តម្លៃជាង ២៥០លានដុល្លារអាម៉េរិក បានចាប់ផ្តើមការដ្ឋានសាងសង់ជាផ្លូវការហើយកាលថ្ងៃទី១ ខែសីហា ឆ្នាំ២០២៦ ក្រោមអធិបតីភាពសម្តេច ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ។ នាឱកាសនោះ សម្តេច ម៉ែន សំអន បានវាយតម្លៃខ្ពស់ចំពោះ ក្រុមហ៊ុន ជីប ម៉ុង ដែលបានខិតខំប្រឹងប្រែងបង្កើតរោងចក្រនេះឡើងដោយបំពាក់នូវបច្ចេកវិទ្យាចុងក្រោយ ក្នុងការផលិតនូវផលិតផលប្រកបដោយគុណភាព និងស្តង់ដាសម្រាប់ប្រជាជនខ្មែររ។ សម្តេចបន្តថា ការបើកការដ្ឋានសាងសង់រោងចក្រផលិតអាហារ និងភេសជ្ជៈនេះ គឺជាការបញ្ជាក់ឱ្យឃើញកាន់តែច្បាស់ពីការរីកចម្រើន និងការអភិវឌ្ឍឥតឈប់ឈររបស់ ក្រុមហ៊ុនផងដែរ។

បើតាម អ្នកឧកញ៉ា លាង ឃុន សហស្ថាបនិក និងជាប្រធានក្រុមប្រឹក្សាភិបាល ក្រុមហ៊ុន ជីប ម៉ុង បានបញ្ជាក់ថា រោងចក្រផលិតអាហារ និងភេសជ្ជៈ ជីប ម៉ុង គឺជាក្រុមហ៊ុនកូនខ្មែរ ១០០% បានចំណាយពេលសិក្សាស្រាវជ្រាវជិត ២ឆ្នាំ និងសម្រេចបោះទុនវិនិយោគជាង ២៥០លានដុល្លារអាម៉េរិក ដើម្បីសាងសង់រោងចក្រផលិតទឹកដោះគោ មី និងតែ ដោយបំពាក់បច្ចេកវិទ្យាចុងក្រោយលំដាប់ពិភពលោកពីក្រុមហ៊ុន GEA (អាល្លឺម៉ង់) និង Sidel (បារាំង)។

តាម អ្នកឧកញ៉ា បន្តថា តាមរយៈរោងចក្រនេះ នឹងបានពង្រឹងសមត្ថភាពផលិតក្នុងស្រុក កាត់បន្ថយការពឹងផ្អែកលើការនាំចូល និងធានាសន្តិសុខស្បៀង ជួយបង្កើតឱកាសការងារ ផលិតផលមានសុវត្ថិភាពខ្ពស់តាមស្តង់ដារអន្តរជាតិ ដើម្បីឱ្យប្រជាជនខ្មែរជឿជាក់ ព្រមទាំងត្រៀមប្រកួតប្រជែងលើទីផ្សារអន្តរជាតិ ដែលស្របតាមរបស់រាជរដ្ឋាភិបាល។

សូមជម្រាបដែរថា រោងចក្រផលិតអាហារ និងភេសជ្ជៈ ជីប ម៉ុង» នេះ មានទីតាំងស្ថិតនៅក្នុងភូមិរលួស សង្កាត់ជើងឯក ខណ្ឌដង្កោ រាជធានីភ្នំពេញ៕

- Video Advertisement -