កម្មវិធី Bentley ជួយសន្សំថវិការាប់លានដុល្លារក្នុងគម្រោងស្ពានខ្នាតយក្សនៅប្រេស៊ីល

Proeksa Meas
30 ខែឧសភា 2026
ព័ត៌មានសំណង់
61 មើល

ក្រុមហ៊ុន Sener Mobility ទទួលបានជោគជ័យយ៉ាងខ្លាំងក្នុងគម្រោងសាងសង់ស្ពាន Salvador-Itaparica ក្នុងប្រទេសប្រេស៊ីល ដែលមានតម្លៃប្រមាណ ២ ពាន់លានដុល្លារ ដោយសារតែទឹកប្រាក់រាប់លានដុល្លារ និងរយៈពេលជាង ១០០០ ម៉ោងត្រូវបានសន្សំសំចៃ តាមរយៈការប្រើប្រាស់កម្មវិធីឌីជីថលសំខាន់ ២ របស់ក្រុមហ៊ុន Bentley Systems។

ដោយទទួលបានភារកិច្ចក្នុងការគ្រប់គ្រងលក្ខខណ្ឌដី និងថ្មដ៏ស្មុគស្មាញសម្រាប់ស្ពានប្រវែង ១២,៥ គីឡូម៉ែត្រនេះ ក្រុមការងារវិស្វកម្មបានផ្លាស់ប្តូរពីរបៀបដំណើរការការងារបែប 2D មកជាវិធីសាស្ត្រ 3D ដោយប្រើប្រាស់កម្មវិធីស្រាវជ្រាវស្រទាប់ដីក្រោមដីរបស់ក្រុមហ៊ុន Bentley Systems គឺ Leapfrog Works និង PLAXIS។

ជាដំបូង កម្មវិធី Leapfrog Works ត្រូវបានប្រើប្រាស់ដើម្បីបង្កើតជាគំរូភូគព្ភសាស្ត្រ 3D បែបគ្រប់ជ្រុងជ្រោយ ពីប្រភពទិន្នន័យចម្រុះ ដែលជួយវិស្វករអាចយល់ដឹងពីលក្ខខណ្ឌដីដ៏ស្មុគស្មាញបានយ៉ាងច្បាស់លាស់ និងរហ័ស។

បន្ទាប់មក កម្មវិធី PLAXIS ត្រូវបានប្រើដើម្បីវិភាគធាតុបំណែក (finite element analysis) ដ៏ស្មុគស្មាញ ដោយធ្វើការពិសោធន៏តាមកុំព្យូទ័រ (simulation) អំពីអន្តរកម្មរវាងដី និងរចនាសម្ព័ន្ធ ដើម្បីវាយតម្លៃលើគុណសម្បត្តិមេកានិច និងស្ថិរភាពរយៈពេលវែងនៃគ្រឹះជ្រៅៗរបស់ស្ពាន។

តាមរយៈការរួមបញ្ចូលឧបករណ៍ទាំងនេះចូលគ្នា ក្រុមហ៊ុន Sener Mobility បានជួយបង្កើនប្រសិទ្ធភាពការងារយ៉ាងខ្លាំង និងកាត់បន្ថយហានិភ័យផ្នែករចនាសម្ព័ន្ធ។ កម្មវិធីទាំងនេះជួយឱ្យក្រុមការងារកាត់បន្ថយពេលវេលាបកស្រាយផ្នែកភូគព្ភសាស្ត្រពី ២០% ទៅ ៣០% និងជួយឱ្យការរចនាបង្គោលគ្រឹះមានប្រសិទ្ធភាពជាងមុន ១០%។

ជារួម កម្មវិធីឌីជីថលទាំងនេះបានជួយសន្សំសំចៃម៉ោងធ្វើការបាន ១ ០០០ ម៉ោង ពន្លឿនរយៈពេលនៃការរចនារហូតដល់ ២០% ហើយត្រូវបានគេរំពឹងថានឹងអាចកាត់បន្ថយថ្លៃដើមសម្ភារៈបេតុង និងដែកពី ៥% ទៅ ១០% ព្រមទាំងកាត់បន្ថយការផ្លាស់ប្តូរការរចនាដែលមានតម្លៃថ្លៃក្នុងអំឡុងពេលសាងសង់បាន ១៥% ផងដែរ ដែលគិតជាទឹកប្រាក់គឺរាប់លានដុល្លារ។

ស្វែងយល់ពីរបៀបដែល PLAXIS អាចកែលម្អគម្រោងរចនាភូមិសាស្ត្របន្ទាប់របស់អ្នកជាមួយនឹងឧបករណ៍ធ្វើគំរូ 3D និងឧបករណ៍កាត់បន្ថយហានិភ័យដ៏មានអានុភាព។