សិក្ខាសាលា Illuminate Sydney បង្ហើបពីបច្ចេកវិទ្យាថ្មីមួយក្នុងវិស័យសំណង់

• Proeksa Meas
• 2 ខែ​ឧសភា 2026
• ព័ត៌មានសំណង់
• 261 មើល

នៅក្នុងសិក្ខាសាលាបច្ចេកទេស Illuminate Sydney កាលពីថ្មីៗនេះ អ្នកជំនាញក្នុងវិស័យសំណង់បានដាស់តឿនថាឱ្យប្រុងប្រយ័ត្ន និងមិនត្រូវជឿទាំងស្រុងលើ AI បែបទូទៅនោះទេ ប៉ុន្តែត្រូវងាកមកប្រើ AI ដែលត្រូវបានហ្វឹកហាត់ឱ្យចេះដឹងពីហេដ្ឋារចនាសម្ព័ន្ធវិញ ទើបទទួលបានលទ្ធផលពិតជាក់ស្ដែង។

AI ប្រភេទនេះហៅថា Practical AI ដែលត្រូវបានគេហ្វឹកហាត់ឱ្យយល់ដឹងពីវិស័យសំណង់ដោយផ្ទាល់ និងចេះវិភាគទិន្នន័យដ៏ស្មុគស្មាញក្នុងវិស័យសំណង់ ដើម្បីធ្វើបង្កើនភាពត្រឹមត្រូវ។ កម្មវិធីរបស់ក្រុមហ៊ុន Bentely ក៏កំពុងប្រើប្រាស់ AI ប្រភេទនេះ។

អ្នកជំនាញក្នុងសិក្ខាសាលានេះក៏បង្ហាញពីលំហូរការងារតភ្ជាប់គ្នា ឬ connected workflow ដែលប្រព័ន្ធដើរដោយ AI ដែលជាប្រព័ន្ធដែលផ្ទុកព័ត៌មានគ្រប់យ៉ាងនៃគម្រោង ហើយប្រើរួមគ្នារវាងគ្រប់ក្រុមការងារ​។ ដោយការប្រើប្រព័ន្ធនេះ ព័ត៌មានទាំងនោះត្រូវបានបញ្ជូនបន្តយ៉ាងរលូនេះពីគ្រប់ផ្នែក ចាប់ពីការរចនាដំបូង រហូតដល់ការរៀបចំផែនការសាងសង់ និងការបង្ហាញរូបភាពចុងក្រោយ។

លើសពីនេះ តាមរយៈ  centralized digital framework ទិន្នន័យគម្រោងនៅតែរក្សាបាននូវបរិបទ និងប្រវត្តិនៃការផ្លាស់ប្តូរ ដែលជួយឱ្យ AI អាចចាត់ចែងកិច្ចការងារដដែលៗតាមរយៈស្វ័យប្រវត្តិកម្ម ពោលគឺមិនមែនជំនួសការងារមនុស្សនោះទេ។

លក្ខណៈពិសេសមួយ គឺ “Python Assist” ដែលជាឧបករណ៍ AI ដែលរចនាឡើងដើម្បីធ្វើឱ្យស្វ័យប្រវត្តិកម្មអាចប្រើប្រាស់បានសម្រាប់វិស្វករទូទៅ។ ជាជាងតម្រូវឱ្យមានចំណេះដឹងស៊ីជម្រៅផ្នែកសរសេរកូដ អ្នកប្រើប្រាស់ធម្មតាទូទៅក៏អាចកែចំណុចនានានៃគម្រោង ឬបញ្ជាស្វ័យប្រវត្តិនានា បែបងាយស្រួលនិងសាមញ្ញបានផងដែរ។ ការផ្លាស់ប្តូរនេះគឺជួយសម្រួលដលើការងាររបស់វិស្វករបានមួយកម្រិតធំ។

គួរបញ្ជាក់ថា សិក្ខាសាលាបានលើកឡើងទៀតថា AI ប្រភេទនេះគឺជាវិធីសាស្ត្រថ្មីមួយដើម្បីពង្រីកវិសាលភាព និងបង្កើតហេដ្ឋារចនាសម្ព័ន្ធដែលមាននិរន្តរភាព។

• AI
• Bentley
• Bentley Systems
• Illuminate 2026