Sky Forest for Vietnam Real Estate Project

• Proeksa Meas
• 15 ខែ​មករា 2018
• ព័ត៌មានសំណង់
• 115 មើល

មានការបង្ហាញពីផែនការសម្រាប់គម្រោងអចលនទ្រព្យប្រកបដោយលក្ខណៈច្នៃប្រឌិតបំផុតមួយនៅក្នុងប្រទេសវៀតណាម ដែលមានការអភិវឌ្ឍអគារខ្ពស់អមដោយទេសភាពព្រៃលើមេឃ “Sky Forest” នៅលើដំបូលអគារ។

ការរចនាសម្រាប់ “Empire City” ដោយស្ថាបត្យករ Büro Ole Scheeren គឺសម្រាប់ការអភិវឌ្ឍចម្រុះនៅលើទន្លេសៃហ្គនក្នុងទីក្រុងហូជីមិញ ហើយប្រសិនបើគម្រោងត្រូវបានសាងសង់រួច នោះអគារនេះនឹងក្លាយជាអគារខ្ពស់ជាងគេនៅប្រទេសវៀតណាម។

ការអភិវឌ្ឍទាំងបីអគារនេះនឹងមានអាផាតមិន សណ្ឋាគារប្រណិត ការិយាល័យ និងខុនដូ។

ទោះជាយ៉ាងណា អគារកណ្តាល “Empire 88” នឹងមានទេសភាពព្រៃលើមេឃ “Sky Forest” ដ៏ស្រស់ស្អាតជាមួយនិងទីលានដំបូលលយចេញទៅក្នុងទិសដៅជាច្រើនដែលអាចឱ្យគេមើលឃើញទេសភាពនៅទូទាំងទីក្រុង និងទន្លេសៃហ្គន។

ក្រុមហ៊ុនបណ្តាក់ទុនរួមគ្នារវាងក្រុមហ៊ុនអចលនទ្រព្យមកពីប្រទេសវៀតណាម ប្រទេសសិង្ហបុរី និងហុងកុងនឹងអភិវឌ្ឍន៍គម្រោងនេះ ប៉ុន្តែមិនទាន់មានការប្រកាសអំពីការសាងសង់នៅឡើយទេ។